Анонс Қазақстан Республикасының Ұлттық экономика министрлігінде семинар өткізу туралы 2025 жылғы 29 мамыр

2025 жылғы 29 мамырда Министрлік «Қазақстан Республикасының Бюджет кодексі: негізгі аспектілері және 2025 жылғы өзекті өзгерістері» және «Мемлекеттік қызметшілердің құмар ойындарға және (немесе) бәс тігуге қатысуына, сондай-ақ букмекерлік кеңселерде мөлшерлемелер жасауға шектеу қоюдын кейбір мәселелері туралы» тақырыптары бойынша семинар өткізді.

Семинар барысында қызметкерлерге Бюджет кодексінің негізгі аспектілері мен өзекті өзгерістері, оның ішінде бюджетті жоспарлаудың, бюджетті орындаудың және шығыстарды бақылаудың жаңа тәсілдері түсіндірілді.

Сондай-ақ, мемлекеттік қызметшілердің құмар ойындарға және (немесе) бәс тігуге, букмекерлік кеңселерде ставка жасауға қатысуына шектеу қоюға байланысты мәселелер қаралды.

Семинар қорытындысы бойынша баяндамашылар Бюджет кодексінің ережелерін, мемлекеттік қызметшілердің құмар ойындарға қатысуына шектеу қою мәселелерін қатаң сақтаудың маңыздылығын атап өтті.

Аталған іс-шара барлық қызметкерлер үшін Министрліктің Заң департаментімен ұйымдастырылды.