Қала тұрғындарының жиі қоятын сұрақтарының тізімі

1. «Халық қатысатын бюджет» жобасына қалай қатысуға және қашан өтініш беруге болады?

   Жауап: «Халық қатысатын бюджет» жобасы шеңберінде қала тұрғындарынан жоба ұсыныстары жыл сайын 20 қаңтар мен 1 наурыз аралығында қабылданады.

   Жобаларды қабылдау Саран қаласы әкімі аппаратының saran.gov.kz. ресми интернет-ресурсында жүргізіледі.

   Аппарат парақшасының «Халық қатысатын бюджет» бөлімінде:

   * өтінімді толтыру (жоба ұсынысының атауы, оның сипаттамасы, мекен-жайы/орналасқан жері);

   * егер жоба ұсынысының болжамды фото суреті/эскизі/сызбасы және сметасы болса (интернеттен немесе кез келген басқа ашық көздерден болжамды эскиздер немесе есептеулер рұқсат етіледі) бекіту қажет.

   Болжамды соманы/эскизді/сызбаны көрсетілген, жақсылап, егжей-тегжейлі дайындалған жоба ұсыныстары тұрғындардың қызығушылығын арттырады.

2. «Халық қатысатын бюджет» шеңберінде іске асыру үшін жоба ұсынысы қандай өлшемдерге сәйкес келуі тиіс?

Жауап: Тұрғындар:

* аумақты көгалдандыру;

* тротуарларды жайластыру;

* тротуарлар, пандустар, арықтар салу және жөндеу;

* қоғамдық пайдалану орындарын (парктер, саябақтар, жаяу жүргіншілер аймақтары және өзге де объектілер) салу, жөндеу және жарықтандыру;

* жиектерді, төсеніштерді, тіреу қабырғаларын жөндеу;

*полигондарды жою;

* балалар ойындарына және жалпы пайдалану орындарында ересек тұрғындардың демалуына арналған беседканы, орындықты, урнаны, жабдықтар мен конструкцияларды орнату және жөндеу;

* аула аумақтарында және ортақ пайдаланылатын орындарында спорттық (тренажер алаңдарын, футбол, баскетбол, волейбол алаңдарын), балалар ойын алаңдарын орнату, жөндеу және жарықтандыру;

* санитарлық тазалықты қамтамасыз ету идеяларын ұсына алады.

Критерийлер:

* нысан қол жетімді, жалпыға бірдей пайдаланылатын болуы керек;

* объектінің орналасқан жері оны іске асыру жоспарланған қаланың аумағында, ортақ пайдаланылатын учаскеде болуы тиіс;

* әкімдіктің құзыреті шегінде болуы міндетті;

* ұсыныс қала тұрғындары үшін өзекті болуы тиіс.