Орталық Азия өңірлік экологиялық орталығының атқарушы директорымен кездесу
Бүгін Қазақстан Республикасы Экология және табиғи ресурстар министрлігінің қабырғасында министр Е. Нысанбаев Орталық Азия өңірлік экологиялық орталығының атқарушы директоры Зафар Махмудов мырзамен кездесу өткізді.
Экологиялық ұйым Орталық Азиядағы қоршаған ортаны қорғау және орнықты даму проблемаларын шешудегі маңызды өңірлік ұйымдардың бірі болып табылады.
ОАҚОҚ-ны 2001 жылы Орталық Азияның 5 елінің Үкіметтері, атап айтқанда Қазақстан Республикасы, Қырғыз Республикасы, Тәжікстан Республикасы, Түрікменстан, Өзбекстан Республикасы, сондай-ақ Еуропалық Одақ пен БҰҰДБ 1998 жылы Данияның Орхус қаласында өткен 4-ші жалпыеуропалық конференцияның шешіміне сәйкес құрды.
Құрылған сәттен бастап Орталық қоршаған ортаны қорғау саласында түрлі бағдарламаларды іске асырды, соның ішінде климаттың өзгеруіне бейімделу және оның салдарын азайту, тұрақты энергетика, су ресурстарын басқару, экологиялық білім беруді арттыру және басқалар.
Министр өз сөзінде З.Махмудов мырза арқылы Орталыққа 2023 жылғы 4-5 қыркүйекте және 2024 жылғы 27-28 наурызда Астана қаласында (гибридті форматта) Аралды құтқарудың халықаралық қорын орнықты дамыту жөніндегі мемлекетаралық комиссияның (ХҚЕС МКУР) отырыстарын ұйымдастыруға және өткізуге көрсеткен қолдауы үшін алғысын білдірді.
Министрлік 2022 жылғы 18 сәуірде қол қойылған Министрлік пен ОАҚОҚ арасындағы өзара түсіністік туралы меморандум шеңберінде Орталықпен өзара іс-қимылды жалғастыруға ниетті.
Осы Меморандумды іске асыру үшін Министрлік келесі бағыттар бойынша ынтымақтастықты жандандыруды ұсынды:
- Орхус орталықтары мен ҮЕҰ-ның Қоршаған ортаны қорғау мәселелері бойынша жыл сайынғы кездесулерін өткізуге жәрдемдесу;
- Арал теңізі бассейні елдеріне көмек көрсету жөніндегі іс-қимыл Бағдарламасы шеңберінде жобаларды іске асыру;
- халық арасында экологиялық мәдениетті арттыру бойынша іс-шаралар өткізу, оның ішінде әйелдер мен жастарды тарту;
- Орталық Азияның орнықты дамуы үшін қоршаған ортаны қорғау жөніндегі өңірлік бағдарламаны іске асыруға жәрдемдесу және ол бойынша іс-қимылдарды одан әрі бірлесіп жандандыру.
З.Махмудов өз сөзінде Министрді Климаттың өзгеруі мәселелері жөніндегі Орталық Азия конференциясына, РЭЦО Басқарушылар кеңесінің отырысына мүше ретінде қатысуға шақырды, РЭЦО-ның Астанадағы филиалының қызметін одан әрі дамыту бойынша өз пікірімен бөліседі.
Министр атап өткендей, «Қазақстан өңірдегі климаттың өзгеруінің салдарын жеңілдету және орнықты даму тәжірибесін ілгерілету бойынша өңірдің басқа елдерімен бірлесіп жұмыс істеудің маңыздылығын түсінеді.
Конференция әріптестер мен мүдделі тараптардың өңірдің алдында тұрған өзекті проблеманы шешу, парниктік газдар шығарындыларын азайтуға, климаттың өзгеруіне бейімделуге бағытталған нақты шаралар мен саясатты әзірлеу және іске асыру бойынша диалогты кеңейту және білім алмасу үшін өңірлік бастамаларды талқылауының құнды мүмкіндігі болып табылады».
Қазіргі уақытта Қазақстан Ағымдағы жылдың қараша айында Әзірбайжанда өтетін конференция күн тәртібінің басым мәселелерін ескере отырып, БҰҰ-ның Климаттың өзгеруі туралы негіздемелік конвенциясы тараптарының 29-шы конференциясына дайындық бойынша жұмыс жүргізуде.