Қазақстанда жасыл өсу саласында жоспарларды іске асыру мүмкіндіктері артып келеді

ҚР Парламенті Сенатының жалпы отырысы барысында экология министрі Серікқали Брекешев «Жаһандық жасыл өсу институтын құру туралы келісімді ратификациялау туралы» ҚР Заң жобасын талқылау бойынша баяндама жасады.

 «Бүгінгі таңда біз әлемнің ірі экономикаларын декарбонизациялаудың тұрақты үрдісін байқап отырмыз. Көміртекті бейтараптық және көмірден бас тарту мақсаттары туралы мәлімдеген елдер саны жыл сайын артып келеді. Қазақстан сондай-ақ «жасыл» дамудың әлемдік трендтерін белсенді ұстанады. Мемлекет басшысы Қазақстанның 2060 жылға қарай көміртегі бейтараптығына қол жеткізетіні туралы мәлімдеді», - деді ол өз сөзінде.

Сонымен қатар, осы бағыттар бойынша нәтижелерге қол жеткізу үшін жасыл инвестицияларды тарту, жасыл қаржы нарығын дамыту және төмен көміртекті жобаларды іске асыру қажет. Өз кезегінде, ең үлкен нәтижеге халықаралық ұйымдармен өзара іс қимыл мен ынтымақтастықта қол жеткізуге болады.

Бұл жасыл өсу жоспарлары мен саясаттарын жүзеге асыруға көмектесу үшін өтпелі және дамып келе жатқан экономикасы бар елдерге қызмет ететін жаһандық жасыл өсу институты. Қолдаудың негізгі нысандары экологиялық әсерді бағалау, қаржыландыруды тарту және жасыл жобаларды енгізу, сондай-ақ білім алмасу деп атауға болады.

Сонымен қатар, Институт климаттың өзгеруі саласындағы ең маңызды қаржы институттарының бірі, сондай-ақ БҰҰ-ның климаттың өзгеруі жөніндегі негіздемелік конвенциясының қаржылық механизмі болып табылатын Жасыл Климат Қорымен (ЖКҚ) стратегиялық әріптестік орнатты.

«Осылайша, Келісімге қосыла отырып, Қазақстан қандай да бір міндеттемелерді қабылдамай, техникалық көмек тарту мүмкіндігімен институттың сараптамалық әлеуеті мен жинақталған білім базасына қол жеткізе алатын болады», - деді министр.