«АрселорМиттал Теміртау» АҚ-ның Конвертер цехына қатысты жоспарлы тексеру

Биылғы жылдың 27 қазанынан 11 қарашасына дейін «АрселорМиттал Теміртау» АҚ-ның Конвертер цехына қатысты Қарағанды облыстық Экология департаменті (бұдан әрі - Департамент) жоспарлы тексеру жүргізді.

Тексеру барысында Департамент бірқатар бұзушылықтарды анықтады, сондай-ақ 19.12.2019ж. бастап санитарлық-қорғау аймағы (СҚА) шекараларының көлемін ескере отырып, шекті жол берілетін шығарындылар (ШЖШ) нормативтерінің жобасына 912 М. өзгерістер енгізу және орындау мерзімі 26.04.2020 жылға дейінгі мемлекеттік экологиялық сараптаманың оң қорытындысын алу бөлігінде алдыңғы профилактикалық тексеру нұсқамасының орындалмағанын білді.

Конвертер цехының жұмысында екінші реттік газ тазалаудың қалдық газдарын аулаудың тиімсіздігі анықталды. Сонымен қатар, Конвертерлік цехтың араластыру тексеру кезінде шойынды араластырғыш шөміштеріне құю кезінде аспирациялық жүйелерде пайда болатын газдарды ұстау кезіндегі кемшіліктерді көзбен көрді. Түтін газының барлық көлемі шатыр терезелері мен фрамугалар арқылы атмосфералық ауаға түседі. Жоғарыда баяндалған жағдайлар 2021 жылғы 2 қаңтардағы № 400 ҚР Экологиялық кодексінің 207-бабын бұзуға алып келді.

«АрселорМиттал Теміртау» АҚ анықталған бұзушылықтармен келіспеуіне байланысты, сондай-ақ лауазымды тұлғаларға тексеру жүргізу үшін қажетті материалдарды беруден бас тартқаны үшін Департамент бұл кәсіпорынға қатысты ҚР ӘҚБтК 331-бабының 1-тармағы және ҚР ӘҚБтК 462-бабының 1-тармағы бойынша әкімшілік жауапкершілікке тарту туралы хаттама жасады. Барлық әкімшілік материалдар Теміртау қаласының әкімшілік құқық бұзушылық бойынша мамандандырылған сотына жолданды.