Мұнай кен орнындарына бару
Бүгін Атырау облысына жұмыс сапары аясында Қазақстан Республикасының Экология және табиғи ресурстар министрі Е. Нысанбаев «Теңіз» мұнай кен орнының жұмысымен танысты.
«Теңізшевройл» ЖШС-де шығарындылардың автоматтандырылған мониторингтің жүйесі енгізілді және 16 негізгі көздері бойынша деректерді Қазақстан Республикасының қоршаған ортасы мен табиғи ресурстарының жай-күйі туралы Ұлттық деректер банкіне беру қамтамасыз етіледі.
ТШО Атырау облысындағы шикі мұнайды, құрғақ газды, сұйытылған көмірсутекті газды және күкіртті ірі өндіруші және жеткізуші болып табылады, онда компания Теңіз кен орнында және оның жанында орналасқан Корольдік кен орнында аса алып және әлемдегі ең терең ұңғымалардың операторы болып табылады.
ТШО-ның маңызды міндеттерінің бірі, қызмет барысында қоршаған ортаны қорғау болып табылады. ТШО технологияны жетілдіреді және өндіріс қуатын дәйекті түрде арттыра отырып, қоршаған ортаға әсер ету деңгейін бір мезгілде төмендете отырып, қызметті жүзеге асырады.
2025 жылы ТШО қоршаған ортаға әсерді төмендетуге бағытталған табиғатты қорғау іс-шараларын іске асыруды жалғастырды.
Сондай-ақ, ТШО сирек кездесетін түрлердің мониторингін, қызыл кітап құстарының ұяларын қорғауды және электр беру желілеріне құс қорғау құрылғыларын орнатуды қоса алғанда, биоәртүрлілікті сақтау жөніндегі іс-шараларды табысты іске асыруда. Кәсіпорын көгалдандыру және экологиялық бастамалар аясында 2025 жылы Атырау облысында 23,7 га алқапқа 18 960 ағаш отырғызды.
«Теңізшевройл» қоршаған ортаны қорғауға ерекше мән береді. ТШО мұнай-газ саласына алғаш болып келген халықаралық компаниялардың бірі болғандықтан, біз оның қоршаған ортаны қорғау бағытындағы бастамаларын бағалаймыз.
Кездесу барысында ТШО бас директоры Уильям Лакоби қоршаған ортаны қорғау компанияның негізгі басымдықтарының бірі болып қала беретінін атап өтті.
«Теңізшевройл үшін қоршаған ортаны қорғау біздің қызметіміздің ажырамас бөлігі және тұрақты дамудың маңызды элементі болып табылады. Көптеген жылдар бойы ТШО табиғатты қорғау жобаларына, экологиялық мониторинг бағдарламаларына және өндірістік процестердің тиімділігін арттыруға қомақты қаражат салуда. Осы күш-жігердің арқасында компания шығарындыларды азайту, табиғи ресурстарды ұтымды пайдалану және қалдықтарды басқару саласында айтарлықтай нәтижелерге қол жеткізуде».
Естеріңізге сала кетейік, Атырау облысы еліміздің негізгі мұнай-газ өндіруші өңірлерінің бірі болып табылады, сондықтан атмосфералық ауаның сапасы, қалдықтарды басқару және өнеркәсіптік кәсіпорындардың экологиялық қауіпсіздігі мәселелеріне ерекше назар аударылады.