«Жасыл даму» АҚ Түркістан облысында макулатураны қайта өңдеу және қағаз табақшалар өндірісі жобасын қолдады
«Жасыл даму» АҚ «Өнеркәсіпті дамыту қоры» АҚ-мен бірлесіп, макулатурадан қайта өңделген қағаз табақшалар өндіруге арналған жабдық сатып алу жобасы аясында «SADYK BEREKE» ЖШС-не 64 млн теңге көлемінде қаржылай қолдау көрсетті.
«SADYK BEREKE» ЖШС — макулатураны жинау және қайта өңдеу, сондай-ақ табиғи газда кептірілген, полигондық қалдықтан алынбаған, жоғары сортты шикізаттан жасалған жұмыртқа табақшаларын өндірумен айналысатын қазақстандық жеке компания. Кәсіпорын Түркістан облысында орналасқан және қазіргі таңда сағатына 1 750 жұмыртқа табақшасын шығарады. Болашақта өндіріс қуатын арттыру, өнім көлемін ұлғайту және қосымша желіні іске қосу арқылы сапа мен тиімділікті жақсарту жоспарлануда.
Жобаны іске асыру мынадай нәтижелер береді:
- Өңірде жаңа жұмыс орындарын ашу, ілеспе салаларда жұмыспен қамтуды арттыру және ауылдық аймақтардағы экономикалық жағдайды жақсарту;
- Макулатураны пайдалану арқылы қалдық көлемін азайту және қоқыс полигондарына түсетін жүктемені төмендету;
- Алғашқы табиғи ресурстарға деген сұранысты азайту, бұл экологияға оң әсерін тигізеді;
- Дағдарыстық жағдайларда өңір экономикасының тұрақтылығын арттыру;
- Қазақстанда қайталама шикізатты жинау және қайта өңдеу инфрақұрылымының дамуына серпін беру.
«Мұндай жобаларды қолдау — «Жасыл даму» АҚ-ның экологиялық жауапты өндірісті ынталандыру және айналмалы экономиканы дамыту миссиясына толық сай келеді. «SADYK BEREKE» ЖШС қалдықтарды қайта өңдеудің экологияға, экономикаға және қоғамға қалай пайда әкелетінін нақты көрсетіп отыр», — деп атап өтті компания өкілдері.
«Жасыл даму» АҚ утилизациялық төлем қаражатын пайдалана отырып, экологиялық маңызы бар жобаларды жүзеге асыратын кәсіпорындарға ақпараттық қолдау көрсетуді жалғастырады.
«SADYK BEREKE» ЖШС — бұл макулатураны жинау, қайта өңдеу және жоғары сұрыпты (қалдық полигоннан шықпаған), табиғи газбен кептірілген шикізаттан жасалған жұмыртқа лотоктарын өндірумен айналысатын жеке қазақстандық компания. Бүгінде жұмыртқаға арналған қағаз лотоктар шығаратын өндірістік база қарқынды дамуда. Ашылған сәттен бастап компания сағатына 1 750 жұмыртқа лотогын өндіру қуатымен нарықтағы маңызды ойыншыға айналды. Алдағы уақытта қуаттылықты арттыру, өндіріс көлемін ұлғайту және сапа мен тиімділікті жақсарту мақсатында қосымша желілерді іске қосу жоспарлануда. Жаңа жабдық сатып алу жобасы «SADYK BEREKE» ЖШС-не өндіріс аясындағы қызметін әртараптандыруға, өз атын құруға мүмкіндік береді.
Сонымен қатар, бұл жоба келесі әлеуметтік әсерлерді қамтамасыз етеді:
Жұмыс орындарын құру. Жұмыртқа лотоктарын өндіру тікелей фабрикада да, оған байланысты салаларда да (мысалы, логистикада) жұмыс орындарының ашылуына сеп болады. Бұл әсіресе жұмыссыздық деңгейі жоғары ауылдық аймақтардағы жергілікті қауымдастықтар үшін маңызды.
Қалдықтар көлемін азайту. Жұмыртқа лотоктарын өндіруде макулатураны қолдану қайталама материалдарды қайта өңдеуге мүмкіндік береді, бұл өз кезегінде қалдықтардың жалпы көлемін едәуір азайтады. Бұл қоқыс полигондарына түсетін жүктемені жеңілдетіп, қоршаған ортаның ластануын төмендетуге көмектеседі.
Бастапқы ресурстарға деген сұранысты азайту. Макулатура сияқты екінші реттік материалдарды пайдалану табиғи ресурстарды (мысалы, ағаш немесе мұнайды) өндіру мен қайта өңдеуге деген қажеттілікті төмендетеді, бұл экожүйеге түсетін әсерді азайтады.
Дағдарыстарға төзімділікті арттыру. Экономикалық немесе табиғи дағдарыстар (пандемиялар, табиғи апаттар) жағдайында компания жұмыс орындарын ұсыну және халықты азық-түлікпен қамтамасыз ету үшін қажет жұмыртқа орамасын шығару арқылы экономиканың тұрақтылығына өз үлесін қоса алады.
Қайта өңдеу инфрақұрылымын дамытуға серпін беру. Макулатура мен басқа да қайта өңделетін материалдарға деген сұраныс жинау пункттері, қайта өңдеу зауыттары мен логистикалық тізбектерді қамтитын инфрақұрылымның дамуын ынталандырады. Бұл экологиялық тұрақты салалар мен өңірлердің дамуына, сондай-ақ жаңа жұмыс орындарын ашуға және жергілікті экономикалардың жандануына ықпал етеді.
Осылайша, «SADYK BEREKE» ЖШС тек жұмыртқаға арналған қағаз лотоктар ғана емес, сонымен бірге Қазақстанның экологиялық таза, тұрақты және экономикалық белсенді болашағын қалыптастыруға өз үлесін қосады.