Өртке қарсы қызметтердің жедел жұмысы жалғасуда

2026 жылғы 18 маусымда сағат 09:16-да Глуховка ауылының тұрғынынан «Орленок» саяжайындағы шөптер мен бұталардың өртенгені туралы хабарлама келіп түсті. «Семей орманы» МОТР» РММ күштері мен құралдары жедел түрде оқиға орнына жіберілді.

Келгеннен кейін өрттің ерекше қорғалатын табиғи аумаққа — Жаңасемей филиалының қала маңындағы орманшылығының 144-тоқсанына өту қаупімен әкімдіктің қарамағындағы Глуховка ауылдық округінің жерлерінде орын алғаны анықталды. Сөндіру қатты екпінді жел мен батпақты жерлермен қиындады.

«Семей орманы» МОТР» РММ, ТЖД және Қазавиақорғау бірлескен күштерімен өрт сағат 11:56-да оқшауланды, өрттің ерекше қорғалатын табиғи аумаққа өтуіне жол берілмеді. Өрттің алдын-ала ауданы шамамен 4,0 га құрады. Бұл жерде Абай облысы ТЖД күштерімен қарауылдау жалғасуда.

Өртті жоюға ТЖД күштерін қоса алғанда, ӘАОО-дан 1 тікұшақ, 12 автоцистерна, 1 КӨҚК, 1 трактор, 3 патрульдік автомобиль, 1 су тасушы және жеке құрамнан 45 адам жұмылдырылды.
Құрметті тұрғындар! Өрт қауіпсіздігі ережелерін сақтауды сұраймыз, ал орман және дала өрттері анықталған жағдайда 8 771 302 55 85 немесе 112 телефондары арқылы хабарлаймыз.
Өрт қаупі жоғары кезеңде табиғат аясында демалу кезінде қауіпсіздік ережелерін сақтауды сұраймыз:
От жақпаңыз;
Темекі тұқылын тастамаңыз;
Қоқыс қалдырмаңыз;
Табиғатқа ұқыпты қараңыз.

Табиғатты қорғау – әрқайсымыздың ортақ жауапкершілігіміз!