ЮНЕП-пен стратегиялық ынтымақтастық туралы негіздемелік келісімге қол қойылды
ӨЭС 2026 маңызды іс – шараларының бірі Қазақстан Республикасының Экология және табиғи ресурстар Министрі Ерлан Нысанбаевтың БҰҰ Бас хатшысының орынбасары-ЮНЕП атқарушы директоры Ингер Андерсонмен екіжақты кездесуі болды.
Министр өзінің бастапқы сөзінде ЮНЕП-ке Қазақстан Республикасының экологиялық саясатты іске асырудағы тұрақты қолдауы және өңірлік экологиялық саммит өткізуге жәрдемдескені үшін ризашылығын білдірді.
Кездесу барысында Министр атап өткендей, Қазақстанның ЮНЕП-пен ынтымақтастығы стратегиялық қана емес, практикалық сипатта да болады.
ЮНЕПтың сараптама мен тартудың арқасында – Қазақстан орнықты даму, қоршаған ортаны қорғау және өңірлік өзара іс-қимылды нығайту мәселелерінде дәйекті түрде ілгерілеп келеді.
Қазақстан Үкіметі мен ЮНЕП арасындағы стратегиялық әріптестік туралы негіздемелік келісім жасасу ұзақ мерзімді бірлескен бастамаларды іске асыру үшін берік институционалдық негіз жасайды.
Келісім шеңберінде көзделген Алматы қаласындағы Орталық Азия үшін ЮНЕП субөңірлік кеңсесінің базасында өңірлік экологиялық хаб құруға ерекше мән беріледі.
Қазақстан бұл хабты Өңірлік күш-жігерді шоғырландыру және саммиттің қорытынды құжаттары мен шешімдерін іс жүзінде іске асыру үшін негізгі платформа, сондай-ақ озық тәжірибе мен ғылыми сараптама орталығы ретінде қарастырады.
Біз үшін Алматының мемлекеттердің, халықаралық ұйымдардың және басқа да әріптестердің күш-жігерін біріктіре отырып, өңірдің экологиялық күн тәртібінің тартылыс нүктесіне айналғаны маңызды.
Қазақстан БҰҰ Қоршаған орта жөніндегі Ассамблеясының (ЮНЕА) сессияларына белсенді қатысады және юнеа-ға қазақстандық бастамалар мен іс-шараларды қолдағаны үшін алғыс білдіреді.
Сондай-ақ, ЮНЕП-тің Тегеран конвенциясының (Каспий теңізінің теңіз ортасын қорғау жөніндегі негіздемелік Конвенция) уақытша Хатшылығы ретіндегі рөлі атап өтілді.
Қазақстанның ЮНЕП-пен ынтымақтастығы екіжақты деңгейде ғана емес, көпжақты деңгейде де дамуда. Шанхай Ынтымақтастық Ұйымы аясындағы өзара іс-қимыл жарқын мысал болып табылады.
Қазақстан ШЫҰ – ЮНЕП форматының дамуын оң бағалайды және халықаралық іс-шаралар алаңдарында осындай кездесулерді жалғастыруға, сондай-ақ ШЫҰ Хатшылығы мен ЮНЕП арасындағы өзара түсіністік туралы Меморандумды табысты іске асыруға үміттенеді.
Кездесу соңында Қазақстан Республикасының Үкіметі мен Біріккен Ұлттар Ұйымының Қоршаған орта жөніндегі бағдарламасы арасындағы стратегиялық ынтымақтастық туралы негіздемелік келісімге қол қою салтанатты рәсімі өтті.