Қазақстан Республикасы Экология және табиғи ресурстар министрінің вице-министрі М.Т. Ошурбаев пен NDC Partnership елдермен өзара іс-қимыл жөніндегі директоры Марианна Панунсио-Фельдманның кездесуі

21 сәуір күні Қазақстан Республикасы Экология және табиғи ресурстар министрінің вице-министрі М.Т. Ошурбаев пен NDC Partnership ұйымының елдермен өзара іс-қимыл жөніндегі директоры Марианна Панунсио-Фельдманның кездесуі өтті.

NDC Partnership тек жекелеген міндеттерді шешуде ғана емес, сонымен қатар климаттық күн тәртібін жалпы үйлестіруде де маңызды серіктес болып қала береді.

Қазақстан үшін нарықтық тетіктер бойынша жұмыстарды одан әрі дамыту, сондай-ақ көміртек нарығын жетілдіру бағыттары қызығушылық тудырады.

Жалпы алғанда, Қазақстан NDC Partnership-пен ынтымақтастықтың әрі қарай да практикалық сипатта жалғасатынына және елге рамалық деңгейден нақты тетіктері, жобалары және қаржылық шешімдері бар жүйелі іске асыру кезеңіне өтуге мүмкіндік беретініне үміт артады.

Кездесу қорытындысы бойынша тараптар екіжақты ынтымақтастықты нығайту ниетін растады және өзара іс-қимылды жалғастыруға, өзекті экологиялық мәселелерді бірлесіп шешуге дайын екендіктерін білдірді.