GCIP-Kazakhstan 2025 Ұлттық форумы

Астанада GCIP-Kazakhstan 2025 Ұлттық Cleantech Форумы - ШОБ-тағы таза технологиялар мен кәсіпкерлік саласындағы инновацияларды ілгерілетудің жаһандық бағдарламасының (GCIP) үш жылдық циклінің қорытынды оқиғасы өтті. Бағдарламаны Біріккен Ұлттар Ұйымы-ның өнеркәсіптік даму жөніндегі ұйымының (ЮНИДО) және Жаһандық Экологиялық Қордың (GEF) қолдауымен «Халықаралық жасыл технологиялар және инвестициялық жобалар орта-лығы» КЕАҚ (бұдан әрі – Орталық) іске асырып жатыр.

Бағдарламаның ұлттық орындаушысы Халықаралық жасыл технологиялар және инвести-циялық жобалар орталығы болып табылады. Соңғы жылдары GCIP-ге қызығушылық айтар-лықтай өсті: 550-ден астам өтінім берілді, 100-ден астам команда акселерациядан өтті; 2024-2025 жылдары жаңа өтінімдер саны 350-ден асты. Жеңімпаз стартаптар Вена мен Стамбулдағы Cleantech Days жаһандық алаңдарында Қазақстанның атынан қатысып, жүлделі орындарға ие болды және елдің жоғары инновациялық әлеуетін әлемге танытты.

GCIP-Kazakhstan қатысушылары негізгі экологиялық және технологиялық міндеттер – су ресурстарының мониторингіне, қалдықтарды қайта өңдеуге, сарқынды суларды тазартуға, инновациялық құрылыс материалдарын дамыту, көміртекті жобаларды цифрландыру (MRV), автономды орманды қалпына келтіруге және қалалық ауаны тазарту технологияларына арналған шешімдер әзірлейді. Постакселерация шеңберінде стартаптар ШЫҰ (Қытай), COP-29 (Баку), Web Summit (Португалия) және ECO Expo (Ташкент) Жастар инновациялық байқауын қоса алғанда, халықаралық іс-шараларға қатысты.

Форумды ашқан Қазақстан Республикасының Экология және табиғи ресурстар Министрі Е. Нысанбаев Cleantech-бағыттардың ел үшін стратегиялық маңыздылығын атап өтті. Министр өз сөзінде: «Қазақстанның жасыл экономиканы табысты дамыту үшін қажетті ресурстары мен әлеуеті бар, бұл табиғи байлықты сақтап қана қоймай, Орталық Азиядағы орнықты даму саласында көшбасшы орынға ие болуға мүмкіндік береді. Қазақстанда GCIP бағдарламасын іске асырудың табысты тәжірибесіне сүйене отырып, өңір елдерінде инновацияларды қолдауға, тәжірибе алмасуға және «жасыл» технологияларды ілгерілетуге арналған өңірлік платформа - Орталық Азия жасыл акселерация орталығы құрылды. Таза технологияларды дамыту шығарындыларды азайтудың, табиғат пайдалану тиімділігін арттырудың және болашақ экономикасын қалыптастырудың маңызды құралына айналып отыр», - деді.

Финалдық питчинг-сессияға мемлекеттік органдардың, ғылыми қоғамдастықтың, инвесторлар мен бизнестің өкілдерінен құралған тәуелсіз қазылар алқасы қатысты. Форум аясында бағдарламасының негізгі кезеңі - Investor Connect өтті.

Форумда ынтымақтастық туралы алғашқы келісімдерге қол қойылды. ЖШС «Tapqan Tech» компаниясы мен бас директор Владимир Олещенко ұсынған BIRCH жеке компаниясы арасында серіктестік қорытындысы жасалды. Сондай-ақ «SUNNY HOUSE» компаниясы мен BIRCH компаниясы арасында келісімге қол қойылды. Бұдан басқа, орталық пен «Самұрық-Қазына Инвест» арасында ынтымақтастық туралы келісім жасалды, ол Қазақстанда жасыл технологиялар үшін қаржыландыруды тарту мүмкіндіктерін кеңейтудегі маңызды қадам болды.