Аймақтық зертханаларды аккредиттеу және мониторинг функцияларына дайындау

Алматы, Абай және Ұлытау облысы экология департаменттерінің жаңадан құрылған зертханаларындағы қызметкерлердің кәсіби құзыреттілігін арттыру үшін тренинг өткізілді.

Тренинг ластаушы заттардың аспаптық өлшемдерін жүргізу, өнеркәсіптік шығарындыларды, атмосфералық ауаны және көлік құралдарының шығарындыларын бақылау бойынша практикалық дағдыларды дамытуға бағытталған.

Тренинг барысында мамандар өнеркәсіптік шығарындылар мен ауаның ластану параметрлерін өлшеу мен есептеудің негізгі әдіснамалық аспектілерін, сондай-ақ көлік құралдарының қоршаған орта талаптарына сәйкестігін бақылау әдістерін үйренді.

Тәжірибелік сабақтарға газ анализаторлары мен өлшеу құралдарының — «Полар», «ГАНК», «Автотест» және «Мета» түтін өлшегіштерінің көрсетілімдері кірді. Қатысушылар газ бен шаң ағындарының температурасы мен жылдамдығын, ластаушы заттардың концентрациясын анықтауды және есептеулердің дәлдігін тексеруді жаттығады.

Мемлекеттік метрологиялық және аналитикалық бақылау басқармасының басшысы Әсел Мұхаметжанова нормативтік талаптарға сәйкес зертханалық сынақ есептерін және нәтижелерін дайындау бойынша түсініктеме берді.

Бұл тренинг зертханаларды аккредиттеуге дайындауда және кейіннен аймақтық деңгейде мемлекеттік экологиялық бақылау міндеттерін жүзеге асыруда маңызды қадам болып табылады.