Қазақстан Республикасы Экология және табиғи ресурстар министрлігінің Экология және табиғи ресурстар мәселелері жөніндегі қоғамдық кеңес мүшелерін сайлау туралы конкурс өткізу туралы хабарландыру
Қазақстан Республикасы Экология және табиғи ресурстар министрлігінің Экология және табиғи ресурстар мәселелері жөніндегі қоғамдық кеңесті қалыптастыру жөніндегі жұмыс тобы (бұдан әрі-Жұмыс тобы) Қазақстан Республикасының 2015 жылғы 2 қарашадағы «Қоғамдық кеңестер туралы» Заңының 8 және 9-баптарына және Ақпарат және қоғамдық даму министрлігінің 2051 жылғы 28 наурыздағы № 112-НҚ бұйрығымен бекітілген Қоғамдық кеңес туралы үлгілік ережеге сәйкес Экология және табиғи ресурстар мәселелері жөніндегі қоғамдық кеңес (бұдан әрі – Қоғамдық кеңес) мүшелігіне кандидаттарды конкурстық іріктеуді жариялайды.
Қоғамдық кеңестің сандық құрамы - 25 адам (5 - мемлекеттік органның өкілдері,
20 - коммерциялық емес ұйымдардың өкілдері, азаматтар).
Сонымен қатар, конкурс нәтижесі бойынша негізгі құрамнан бөлек, 5 адамнан тұратын резервтік тізім құрылады. Резервтегі үміткерлердің Қоғамдық кеңестің негізгі мүшелері шығып кеткен жағдайда Кеңес құрамына енгізілу мүмкіндігі бар.
1. Қоғамдық кеңес мүшелігіне кандидаттарға қойылатын талаптар:
Қоғамдық кеңес мүшелігіне кандидаттың:
- Қазақстан Республикасының заңнамасында белгіленген тәртіппен жойылмаған немесе алынбаған сотталғандығы болмауға;
- сот заңда белгіленген тәртіппен сыбайлас жемқорлық қылмыс және (немесе) сыбайлас жемқорлық құқық бұзушылық жасауда кінәлі деп танымаған болуға;
- психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) себебі бойынша психикалық денсаулық саласында медициналық көмек көрсететін ұйымдарда есепте тұрмауға тиіс.
2. Конкурсқа қатысу үшін коммерциялық емес ұйымдар, азаматтар және қатысуға ниет білдіргендер келесі құжаттарды тапсырады:
- кандидатураны Қоғамдық кеңестің құрамына ұсыну туралы коммерциялық емес ұйымның жазбаша ұсынысы және (немесе) азаматтың өтініші (1,2 қосымша);
- өмірбаян деректері көрсетіле отырып, кандидаттың кәсіптік және (немесе) қоғамдық қызметі туралы мәліметтер (3 қосымша);
- сотталғандығының болуы не болмауы туралы анықтама;
- психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) болуы не болмауы туралы анықтама ұсынылады.
Коммерциялық емес ұйым болып табылатын бір заңды тұлғадан Қоғамдық кеңеске бір ғана өкіл сайлануы мүмкін, сондай-ақ бір адам тек бір Қоғамдық кеңестің мүшесі болып сайлануы мүмкін.
Жоғарыда көрсетілген талаптарға сәйкес келмейтін кандидаттар конкурсқа жолданбайды.
Конкурсты өткізу мерзімі: 2025 жылғы 30 шілдеге дейін (қоса алғанда)
Байланыс деректері:
Қазақстан Республикасы Экология және табиғи ресурстар министрлігі
Астана, Мәңгілік-Ел, 8
Тел. 8 (7172) 74-09-74, 75-09-84, 87785923955
e-mail: s.bulkebaeva@ecogeo.gov.kz, osmegpr@gmail.com
Құжаттарды электронды түрде электрондық поштаға жіберуге болады. Министрлік Кеңсесінің мекенжайы: k.kense@ecogeo.gov.kz, Сіздің құжаттарыңыз кеңседе келесі телефондар бойынша алынғанын міндетті түрде нақтылау қажет: 8 7172 74-08-44, 8 7172 74-12-97.