Екі дүркін әлем чемпионы Қарағанды облысының колониясында өткен қысқы спартакиаданың жабылуына қатысты

Қарағанды облысы бойынша және Ұлытау облысы бойынша ҚАЖД №31 мекемесінде жазасын өтеп жатқан сотталғандар арасында қысқы спорт түрлері бойынша спартакиаданың жабылу салтанаты 01 наурызда өтті.

Қысқы спорт түрлері бойынша спартакиада жыл сайын өткізіледі. Жарыстың басты мақсаты-салауатты өмір салтын насихаттау, қысқы спорт түрлерінен мықты спортшыларды анықтау. Мұндай жарыстар позитивтілік, қуат пен шабыт теңізін әкеледі, бұл өз кезегінде сотталғандардың психологиялық және физикалық жағдайына жағымды әсер етеді.

Спартакиада бағдарламасына хоккей, шаңғы эстафетасы, конькимен жүгіру спорты, корнхол сияқты жеке және командалық спорт түрлері бойынша жарыстар кірді.

Спартакиаданың жабылуына streetlifting бойынша екі дүркін әлем чемпионы, екі дүркін Азия чемпионы, халықаралық дәрежедегі спорт шебері, Tartyl fest республикалық турнирінің чемпионы Дмитрий Именченков шақырылды. Спортшы барлығына зор денсаулық, алға қойған мақсаттарына қол жеткізуді тіледі. Сонымен қатар Street Workout бойынша мастер-класс көрсетті.

"Қысқы спартакиада-біздің мекеме үшін жарқын оқиға. Біз жыл сайын қысқы спартакиадалар ұйымдастырамыз. Жеңімпаз спортшылар грамоталармен және алғыс хаттармен марапатталды. Спорттағы лайықты нәтиже - бұл бақытты оқиға емес, сәттіліктің нәтижесі емес - бұл әрқашан орасан зор жұмыстың, өз күшіне деген сенімнің және жеңіске деген үлкен ынта нәтижесі", - деп атап өтті №31 Мекеме бастығы әділет подполковнигі Қуат Араонов.