№35 мекемесінде СИП-панельдер өндіретін жаңа алаң ашылды

№35 мекемесінде СИП-панельдер өндіретін жаңа алаң ашылды: алғашқы үйлердің құрылысы басталып кетті
2025 жылғы 4 желтоқсанда Қарағанды және Ұлытау облыстары бойынша ДУИС-ке қарасты РММ «№35 мекеме» базасында СИП-панельдер шығаратын жаңа өндірістік алаңның ашылуы өтті. Өндіріс қараша айында құрылысы аяқталған, көлемі 700 шаршы метр болатын жаңа ангарға орналастырылды.
Жоба РГП «Еңбек-Астана» және кәсіпкер Ерлан Нұртазин басқаратын «PPF Kazakhstan» ЖШС-мен бірлесе жүзеге асырылды. Дәл осы СИП-панельдер қазірдің өзінде алғашқы тұрғын үйлерді салуда қолданылып жатыр, бұл жаңа өнімнің құрылыс нарығындағы жоғары сұранысын дәлелдейді.

Жаңа желі мекеменің өндірістік әлеуетін айтарлықтай арттыруға, сондай-ақ сотталғандар үшін заманауи жұмыс орындарын құруға мүмкіндік береді. Өндірістік процесс оларға тұрақты табыс табуға, талап қоюлық міндеттемелерін өтеуге және құрылыс саласында сұранысқа ие кәсіби дағдыларды меңгеруге жағдай жасайды.

Бұл жоба сотталғандардың әлеуметтік бейімделуін дамытудағы маңызды қадам болып, олардың еңбекке араласуын, жауапкершілігін және босатылғаннан кейін қоғамға қайта интеграциялануға дайындығын арттыра түседі.