Қылмыстық-атқару жүйесі мекемелерінде сотталғандар арасында күштік спорт түрлерінен чемпионат өтті.

Қарағанды облысы және Ұлытау облысы бойынша Қылмыстық-атқару жүйесі департаментінің №31 мекемесі базасында сотталғандар арасында күштік спорт түрлерінен чемпионат өтті.

 

Жарысқа Қарағанды облысы пенитенциарлық жүйесі мекемелеріндегі заңдылықтың сақталуына қадағалау жөніндегі мамандандырылған прокуратура прокуроры сондай-ақ, Қарағанды және Ұлытау облыстары бойынша ҚАЖ департаментінің басшысының міндетін атқарушы, әділет полковнигі Бенденский Игорь Сергеевич қолдау көрсетті. Шараның басты мақсаты — салауатты өмір салтын насихаттау, тәртіпті нығайту, ерік-жігер мен спорттық дағдыларды дамыту.

 

Қатысушылар турникке тартылу, гір спорты, армрестлинг және арқан тарту бойынша күштерін сынады. Жарыстың қорытындысы жеке және командалық есепте шығарылды.

 

Чемпионат нәтижесі бойынша:

•1 орын — №31 мекеме командасы,

•2 орын — №35 мекеме,

•3 орын — №36 мекеме.

 

Қазылар алқасының құрамына енгендер:

•Шахтинск қаласы мәдениет, дене шынықтыру және спорт бөлімінің «Барс» мемлекеттік кәсіпорнының жетекшісі — Жунусов Анарбек Ахметович,

•стритлифтингтен 3 дүркін әлем чемпионы, 2 дүркін Азия чемпионы, 2 дүркін Қазақстан чемпионы, халықаралық дәрежедегі спорт шебері — Именченков Дмитрий Серикович,

•халықаралық дәрежедегі спорт шебері, гір спорты бойынша — Брель Юрий Степанович,

•пауэрлифтингтен спорт шебері — Кригер Вильгельм Александрович,

•армрестлингтен спорт шебері — Ликаренко Данил Федорович,

•ауыр атлетикадан спорт шеберлігіне кандидат — Мега Николай Николаевич.

 

Ерекше нәтижелерге қол жеткізгендер:

•гір көтеруден рекорд орнатқан №35 мекеме сотталғаны, ол 24 кг салмақтағы гірді 101 рет көтеріп, 1-орынды иеленді,

•80 кг дейінгі салмақта армрестлингтен 1-орынды иеленген №31 мекеме сотталғаны.

 

Жеңімпаздар мен жүлдегерлер дипломдармен және естелік сыйлықтармен марапатталды.

 

Бұл спорттық іс-шаралар сотталғандардың дене белсенділігін қолдауға, командалық рухты дамытуға және олардың әлеуметтік бейімделуіне оң ықпал етеді.