Астана қаласы бойынша ҚАЖД пробация қызметінің биылғы жылдың 10 айындағы жұмыс қорытындыларына арналған жиын өтті.

Астана қаласы бойынша ҚАЖД пробация қызметінің биылғы жылдың 10 айындағы жұмыс қорытындыларына арналған жиын өтті.

Жүргізілген талдау нәтижелері негізінде пробация қызметінің бөлім басшыларының баяндамалары тыңдалып, олардың ішінде негізгі жұмыс көрсеткіштері, қол жеткізілген нәтижелер, сондай-ақ есепті кезеңде анықталған проблемалық мәселелер жан-жақты қарастырылды.

Талқылау барысында есепте тұрған тұлғалармен профилактикалық жұмыстың тиімділігіне және құқық бұзушылықтарға дер кезінде ден қоюға ерекше назар аударылды. Сондай-ақ қосымша бақылауды және шұғыл шара қабылдауды талап ететін жеке кемшіліктер атап өтілді.

Жиында қайталама қылмыстың алдын алу мәселелері бөлек қаралды. Пробациялық бақылауда тұрған азаматтарды оңалту мен сүйемелдеу бағытында кешенді тәсіл қолданудың, сондай-ақ уәкілетті органдар және әлеуметтік серіктестермен өзара іс-қимылдың маңыздылығы атап өтілді.

Сонымен қатар электрондық бақылау құралдарын сапалы пайдалану мәселесіне ерекше назар аударылды, өйткені бұл жүйе құқық бұзушылардың жүріс-тұрысын бақылаудың маңызды тетігі болып табылады.

Жиын қорытындысы бойынша бөлім басшыларына анықталған кемшіліктерді жою, тәртіп пен орындаушылықты күшейту, сондай-ақ пробация қызметінің жұмысын жетілдіру жөнінде нақты тапсырмалар берілді. Индивидуалды профилактикалық жұмыстың сапасын арттыру, бақылауды күшейту және пробациялық бөлімшелер қызметіне жаңа тәсілдерді енгізу қажеттілігі ерекше атап өтілді.