Департаментте дөңгелек үстел өткізілді

Алматы және Жетісу облыстары бойынша ҚАЖ Департаментінде есірткі қылмыстары үшін жазаны өзгерту мәселелері бойынша дөңгелек үстел өтті.

Дөңгелек үстелді ҚАЖД бастығының орынбасары Магнис Сабиров жүргізді. Іс-шараға Алатау қалалық сотының судьялары, мамандандырылған прокуратура өкілі, мекеме бастықтарының орынбасарлары және арнайы есепке алу бөлімдерінің бастықтары қатысты.

Кездесу барысында қатысушылар Қазақстан Республикасының Қылмыстық кодексінің 297-бабына енгізілген өзгерістерді талқылады.

Дөңгелек үстелге қатысушылар жаңа өзгерістерді қабылдауға және оларды практикада жүзеге асыруға байланысты кейінгі әрекеттер алгоритмін талқылады. Ерекше назар босатылғаннан кейін жас сотталғандардың әлеуметтік бейімделуіне және олардың қылмыстық ортаға тартылу қаупін барынша азайтуға аударылды.

Іс-шара конструктивті жағдайда өтті және оның нәтижелері заңнамалық өзгерістерді іске асыру бойынша одан арғы жұмыстарда ескерілетін болады.