Шығыс Қазақстан облысында жыл басынан бері 80-нен астам есепте тұрған азаматқа әлеуметтік-құқықтық көмек көрсетілді

Шығыс Қазақстан облысында жыл басынан бері 80-нен астам есепте тұрған азаматқа әлеуметтік-құқықтық көмек көрсетілді.

Пробация қызметінің қызметкерлері прокуратура органдарымен бірлесіп, есепте тұрған азаматшалардың біріне әлеуметтік мәселелерін шешуге көмектесті. Әйел 4 жастағы қызын тәрбиелеп отыр, алайда мемлекеттік қызметтер порталы арқылы өтініштің кеш берілуіне байланысты бала бұрын мектепке дейінгі мекемеге бармаған. Осы себепті анасы үйде отырып, жұмысқа орналаса алмаған.

Жүргізілген жұмыстардың нәтижесінде бала балабақшадан орынмен қамтамасыз етілді, ал анасы жұмысқа орналасу мүмкіндігіне ие болды. Қабылданған шаралар отбасының әлеуметтік жағдайын жақсартуға және оның қоғамға бейімделуіне ықпал етті.

Департаменттің ресми өкілі Салтанат Ожиканованың айтуынша, жыл басынан бері 80-нен астам есепте тұрған азаматқа әлеуметтік-құқықтық көмек көрсетілген. Ол көмекке жұмысқа орналастыруға жәрдемдесу, азық-түлікпен қамтамасыз ету және тұрғын үй мәселелерін шешу кірген.