Мұнайлы ауданында 94 сотталғанға рақымшылық жасалды

Мұнайлы аудандық пробация қызметі бөлімінің есебінде қазіргі таңда 195 азамат тұр.
Қазақстан Республикасы Конституциясының 30 жылдығына орай қабылданған «Рақымшылық жасау туралы» Заң аясында олардың 94-іне рақымшылық шаралары қолданылды.

Оның ішінде:
- 28 азамат пробациялық бақылаудан босатылды;
- 66 азаматтың жазасы қысқартылып, жеңілдетілді.

Рақымшылық туралы заң — түзелу жолына түскен азаматтарға жаңа мүмкіндік беретін, қайта қылмыс жасаудың алдын алуға және қоғамға бейімдеуге бағытталған маңызды құқықтық әрі әлеуметтік құрал болып табылады.