Маңғыстау облысы бойынша ҚАЖ департаментінің қызметкерлері Халықаралық йога күніне орай өткен шараға қатысты

21 маусым күні Халықаралық йога күні аясында Ақтау қаласының жағалауында таңғы жаппай йога жаттығуы өтті. Іс-шараны  “Сәлем Namaste” үнді этномәдени бірлестігі ұйымдастырды.

Йога жаттығуына Маңғыстау облысы бойынша Қылмыстық-атқару жүйесі департаментінің қызметкерлері де қатысып, физикалық әрі менталдық саулықты нығайтуға деген қызығушылықтарын және халықаралық мәдени бастамаларға ашықтықтарын көрсетті.

«Мұндай шаралар адамдарды біріктіреді, өзін-өзі дамытуға шабыттандырады және ішкі үйлесімнің маңыздылығын еске салады. Біз әріптестерімізбен бірге сергектік пен жағымды көңіл-күй алдық, бұл — басқаларға үлгі боларлық жақсы бастама», — деп әсерлерімен бөлісті қызметкерлер.