Қостанай қаласы ПБ аумағында «Құқықтық тәртіп» республикалық профилактикалық іс-шарасы аясында полиция департаментінің, Ұлттық ұланның, қылмыстық-атқару жүйесінің және пробация қызметінің жеке құрамының саптық жиыны өткізілді.

Іс-шара барысында полиция қызметкерлері Қостанай қаласының пробация қызметімен бірлесіп, пробация қызметінің есебінде тұрған тұлғаларды тұрғылықты жері бойынша тексерді. Негізгі мақсат – құқық бұзушылықтардың алдын алу және жолын кесу, қоғамдық тәртіп пен азаматтардың қауіпсіздігін қамтамасыз ету.
Жалпы 180 сотталған тұлға тексеріспен қамтылды.
Сонымен қатар, пробация қызметінің есебінде тұрған сотталғандарға қолданылған электрондық бақылау құралдарының жұмыс істеу жағдайы тексерілді. Тексеру нәтижелері бойынша «Цифрлық пробация» мобильді қосымшасында тиісті тексеру актілері толтырылды