Қостанай облысы бойынша Қылмыстық-атқару жүйесі департаментінің №38 мекемесінде Ұлттық ұланның бақылаушылар құрамына жататын штат бірліктерін қылмыстық-атқару жүйесіне беру мәселелеріне арналған ақпараттық-түсіндіру кездесуі өтті.

Іс-шараға департамент қызметкерлері мен Ұлттық ұланның әскери қызметшілері қатысты. Кездесу барысында әскери қызметшілерге қылмыстық-атқару жүйесі органдарында қызмет өткерудің ерекшеліктері, лауазымдық және мансаптық өсу мүмкіндіктері, еңбекақы төлеу жүйесі, сондай-ақ қызметкерлерге ұсынылатын әлеуметтік кепілдіктер мен қолдау шаралары туралы толық ақпарат берілді.

Бұдан басқа, қатысушыларға қылмыстық-атқару жүйесі органдарына қызметке ауысу тәртібі түсіндіріліп, олар өздерін қызықтырған барлық сұрақтарға толық жауаптар алды.