САНИТАРИЯЛЫҚ-ЭПИДЕМИОЛОГИЯЛЫҚ СИПАТТАҒЫ ТЖ АЛДЫН АЛУ ЖӘНЕ ОҒАН ДЕН ҚОЮ ЖӨНІНДЕГІ КЕЛІСІМНІҢ ЖОБАСЫ ПАРЛАМЕНТ СЕНАТЫНДА ҚАРАЛДЫ
Бүгін ҚР Парламентінің Сенаты отырысының шеңберінде Денсаулық сақтау вице-министрі Айжан Есмағамбетова "Санитариялық-эпидемиологиялық сипаттағы қоғамдық денсаулық сақтау саласындағы төтенше жағдайлардың алдын алу және оларға ден қою жөніндегі Тәуелсіз Мемлекеттер Достастығына қатысушы мемлекеттердің ынтымақтастығы туралы келісімді ратификациялау туралы" Қазақстан Республикасы Заңының жобасын талқылауға қатысты.
Осы заң жобасын қабылдау тараптарға ТМД-ға қатысушы мемлекеттің аумағын санитариялық қорғау жөніндегі іс-шараларды жүргізуді талап ететін, оның ішінде мамандандырылған эпидемияға қарсы бригадалардың көмегімен ТМД-ға қатысушы мемлекеттердің аумақтарында санитариялық-эпидемиологиялық сипаттағы төтенше жағдайлардың алдын алу мен оларды жоюда ынтымақтасуға мүмкіндік беретін жағдайларды қамтамасыз етуге мүмкіндік береді.
Мамандандырылған эпидемияға қарсы бригадалар аумағында төтенше жағдай туындаған Тараптардың бірінің мемлекеті төтенше жағдайды жою үшін екінші Тарап мемлекетіне немесе Тараптар мемлекеттеріне көмек көрсету туралы сұратумен жүгінген жағдайда тартылуы мүмкін және төтенше жағдайларда қолданылады:
- ТМД-ға қатысушы бір мемлекеттің күшімен және қаражатымен және осы мемлекеттің өтініші бойынша ғана жойылуы мүмкін емес;
- шекарааралық таралуы бар және аумақтарына Төтенше жағдайлар әсер еткен мемлекеттермен келісім бойынша төтенше жағдайлардың салдарын жою жөніндегі келісілген іс-қимылдарды жүзеге асыруды талап ететін мемлекеттермен келісіледі.
Тараптар өз мүмкіндіктеріне сәйкес және еріктілік негізінде бір-біріне көмек көрсетеді.
Қоғамдық денсаулық сақтау саласындағы санитариялық-эпидемиологиялық сипаттағы төтенше жағдайлардың алдын алу және оларға ден қою жөніндегі келісімге 2022 жылғы 28 қазанда Астанада 11 қатысушыдан 8 ел (Әзірбайжан, Армения, Беларусь, Қазақстан, Қырғызстан, Ресей, Тәжікстан және Өзбекстан) қол қойғанын атап өту қажет.
Осы Келісімнің қолданылуы республикалық бюджеттен қосымша қаржы қаражатын бөлуді талап етпейді және теріс саяси, құқықтық, қаржы-экономикалық және өзге де салдарға әкеп соқпайды.
Анықтама: мамандандырылған эпидемияға қарсы бригадалар – төтенше жағдайлардың алдын алу және жою жөніндегі міндеттерді шешуге қабілетті, білікті кадрлық құрамы бар заманауи диагностикалық, ақпараттық технологиялар мен жабдықтарды пайдаланатын, тұрақты әзірліктегі және шұғыл ден қою, дербес жұмыс істейтін Тараптар мемлекеттерінің мобилдік құрылымдары.