ДЕНСАУЛЫҚ САҚТАУ МИНИСТРЛІГІНІҢ БАСШЫСЫ МАҢҒЫСТАУ ОБЛЫСЫНДАҒЫ ДЕНСАУЛЫҚ САҚТАУ САЛАСЫНЫҢ ЖҰМЫСЫМЕН ТАНЫСТЫ
Бүгін Денсаулық сақтау министрі Маңғыстау облысындағы бірқатар медициналық нысандарды аралады, сондай-ақ өңірлік денсаулық сақтау басқармасының алқасына қатысты, онда жергілікті халықтың денсаулығын сақтау саласындағы неғұрлым проблемалық мәселелер талқыланды.
Сапар бағдарламасы Жаңаөзен көпбейінді қалалық ауруханасына барудан басталды, онда қаланың 155 мың тұрғыны медициналық көмек алады және 650-ден астам қызметкер, оның ішінде 67 дәрігер еңбек етеді.
Заманауи ангиографиялық аппараттың көмегімен мұнда бірқатар интервенциялық-кардиохирургиялық және нейрохирургиялық операциялар жүргізіле бастады. Тіпті лапароскопиялық, жамбас эндопротезі сияқты күрделі операциялар да жергілікті аурухананың деңгейінде жүзеге асырылады.
Министрмен әңгімелесу барысында дәрігерлер шығындардың өзіндік құнын жабуға мүмкіндік бермейтін медициналық қызметтердің кейбір түрлеріне төмен тарифтерді атап өтті, орта және кіші медициналық персоналдың жалақысын көтеру, мамандардың біліктілігін арттыру қажеттігі туралы айтты.
Министр қазіргі уақытта есебінен аса басым тарифтерді арттыру көзделген ішкі резервтерді оңтайландыру бойынша жүргізіліп жатқан жұмыстар туралы айтып берді.
«Биыл соңғы 5 жылдың ішінде қайта қаралмаған 400-ге жуық клиникалық хаттама жаңартылады. Медициналық көмектің кейбір түрлеріне арналған стандарттар халықаралық, атап айтқанда персонал санына сәйкес келтірілуі керек. Біз медицина қызметкерлерін ынталандыру тетіктерін көздейтін жаңа кадрлық тұжырымдаманы әзірлеуге кірістік және мұны жеке сектормен жоғары бәсекелестік жағдайында жасауға тура келеді», - деді ведомство басшысы.
Қымбат жабдықты пайдалану бөлігінде оның әлеуетін толық пайдалану, жүктемелерді арттыру, манипуляциялар тізімін кеңейту қажет екендігі атап өтілді.
Бұдан әрі Денсаулық сақтау министрі 40 мыңнан астам тұрғын тіркелген №2 Жаңаөзен қалалық емханасының жұмысымен танысты. Мұнда патологияларды анықтау үлесіне, сақтандырылмаған халықты тарту проблемаларына, МСАК қызметінің стационарлармен және бейіндік орталықтармен тиімді өзара іс-қимылына бағытталған скринингтердің жаңа форматы туралы әңгіме болды.
Ведомство басшысы Мұнайлы аудандық ауруханасының 150 төсектік стационар құрылысының барысымен танысты, Мұнайлы аудандық ауруханасының емханасында болды.
Алқа барысында облыстың медициналық ұйымдарының барлық басшыларының қатысуымен өңірде шағымдар мен өтініштердің 31%-ға өскені атап өтілді, оның ішінде негізделген шағымдардың үлесі 46%-ды құрады. Медициналық көмек пен дәрі-дәрмекпен қамтамасыз етуді ұйымдастыруға, әсіресе амбулаториялық-емханалық деңгейде шағымдардың өсуі байқалады.
Жұмыс сапарының қорытындысы бойынша министр қысқа мерзімде бар проблемаларға талдау жасау және олар бойынша халықты сапалы және қолжетімді медициналық көмекпен қамтамасыз ету үшін шешімдер табу жөнінде бірқатар тапсырмалар берді.