АЛМАТЫДА ДӘРІЛІК ЗАТТАРДЫҢ САПАСЫ БОЙЫНША ХАЛЫҚАРАЛЫҚ ФОРУМ ӨТУДЕ
Бүгін Алматы қаласында Америка Құрама Штаттарының фармакопеялық конвенциясы (USP) Қазақстан Республикасының дәрілік заттар мен медициналық бұйымдарды сараптау ұлттық орталығымен бірлесіп ұйымдастырған «Дәрілік заттардың сапасы: қамтамасыз ету және бақылау» Халықаралық ғылыми-практикалық конференциясы өз жұмысын бастады.
Конференцияның бірінші күні фармацевтика саласының реттеуші органдарымен кездесуге арналып, өз алаңында Қазақстан, Қырғызстан, Өзбекстан, Армения, Тәжікстан, Әзірбайжан және Түркия өкілдерін жинады. Спикерлер қызметтің негізгі бағыттарын, ұлттық реттеушілердің даму перспективалары мен өзара іс-қимылын, сондай-ақ дәрілік заттардың сапасын бағалаудың заманауи тәсілдерін талқылады.
Конференцияға қатысушыларды құттықтай отырып, Қазақстан Республикасының Денсаулық сақтау вице-министрі Жандос Бүркітбаев мұндай кездесуді өткізу еліміздің және өңірдің фармацевтика саласын одан әрі дамыту үшін ортақ іс-қимылдардағы маңызды қадам екенін атап өтті.
USP-тің Еуропа, Таяу Шығыс, Африка өңірінің бас директоры доктор Алессандро Слама АҚШ-тың бүкіл әлем бойынша Фармакопеялық конвенциясының тарихы мен қызметі туралы егжей-тегжейлі айтып берді. Ол Қазақстан мен Өзбекстан АҚШ Фармакопеялық конвенциясының мүшелері болып табылатынын және осы конференция бүкіл Орталық Азиямен бірлескен жұмыста жаңа серпін беретініне сенім білдірді.
Ұлттық орталықтың рөлі мен Қазақстандағы дәрілік заттар мен медициналық бұйымдардың сапасын бақылау туралы айтты. Ол Қазақстан өз процестерін жаһандық стандарттармен үйлестіретінін және сапаны бақылау: ҚР ДСМ Медициналық және фармацевтикалық бақылау комитеті тіркеу, тіркеуден кейінгі кезеңде бақылау және сапаны мемлекеттік бақылау арқылы нарыққа жіберу секілді үш кезеңде жүзеге асырылатынын атап өтті. Жыл сайын ДЗ мен МБ сараптаму ұлттық орталығының мамандары шамамен 6 мың дәрілік препараттарға сараптама жүргізеді, олардың шамамен 5%-ы нарыққа жіберілмейді және 5 мыңға жуық медициналық бұйымдардың сараптамаларын жүргізеді, олардың орташа 7%-ын нарыққа жіберуден бас тартады. Сонымен қатар, тіркеуден кейінгі бақылау шеңберінде орталық дәрі-дәрмектерге жағымсыз реакциялар және медициналық бұйымдарды қолдану кезіндегі қолайсыз оқиғалар туралы карта-хабарламалар жинайды және пайда-қауіп арақатынасын бағалауды жүргізеді.
Кездесуді жалғастыру үшін USP дәрілік заттардың сапасын қамтамасыз етудегі рөлі туралы Еуропа, Таяу Шығыс және Африка өңірі бойынша реттеуші және мемлекеттік саясат мәселелері жөніндегі Директоры Доктор Закия Әл-Курди баяндама жасады, ал USP ғылым мәселелері жөніндегі менеджері доктор Аманда Гиралделли Мар ұйымның қоспалардың құрамын бақылау бағытындағы жұмысы туралы презентация ұсынды.
Күннің екінші жартысы конференцияға қатысушы елдердің реттеуші органдарының жұмысына арналды. Өзбекстан директорының фармацевтикалық өнімдерінің қауіпсіздігі жөніндегі орынбасары Әлішер Теміров, Арменияның дәрі-дәрмек және медициналық технологияларды сараптау ғылыми орталығының тіркелген құралдарды сараптау бөлімінің басшысы Наира Романова, Тәжікстанның ғылыми-зерттеу фармацевтикалық орталығының стандарттау бөлімінің бастығы Хусрав Халифаев, Түркияның дәрілік заттар және медициналық мақсаттағы бұйымдар агенттігінің фармакопея бөлімінің басшысы Мехмет Емре Өздемирхан, Қырғызстанның дәрілік заттар және медициналық мақсаттағы бұйымдар департаментінің дәрілік заттарды тіркеу бөлімінің басшысы Мирбек Нишанбаев және Әзірбайжанның Медициналық және фармацевтикалық өнімдерінің сапасын сараптау және бақылау зертханасының басшысы Шыңғыс Шүкіров өз мемлекеттік жүйелерінің негізгі қызметі мен дамуы туралы айтып берді. Сондай-ақ, бүгін реттеуші жүйені нығайту туралы PQM+ дәрілік заттардың сапасын ілгерілету бағдарламасының техникалық консультанты Дидар Нұрғожина айтып берді.
Конференция барысында вакциналардың сапасын бағалауға ерекше назар аударылды - ғылыми бөлімнің басшысы, USP аға ғылыми қызметкері доктор Джон Циполло егжей-тегжейлі талдау жасады.
Күн өңірлік және жаһандық деңгейде дәрілік заттардың сапасын бақылау жүйесіне қатысушылардың арасындағы коммуникациялардың тиімділігін арттыру тақырыбында жалпы пікірталаспен аяқталды.
Конференция гибридті: офлайн және онлайн форматта өтуде. Конференцияның екінші күні фармацевтикалық өндірушілермен және қауымдастықтармен кездесуге арналған.