АЛМАТЫ ЖЕДЕЛ ЖӘРДЕМ: ИНСУЛЬТТІ 10 МИНУТТА ТАНУ

Алматыдағы қалалық жедел медициналық жәрдем ауруханасы - мегаполис тұрғындарына тәулік бойы қызмет көрсететін мекемелердің бірі. Инфаркт пен инсульт, апат кезіндегі жарақаттар, күйіктер мен уланулар - мұндай ауыр жағдайларда дәл осы жерде болу ықтималдығы жоғары. ЖКЖА бас дәрігері Алмаз Джувашев ауруханада жұмыстың қалай ұйымдастырылғанын айтты, деп хабарлайды "ҚазАқпарат" ХАА.

"Біздің аурухананың 20 құрылымдық бөлімшесінде 174 дәрігер мен 344 мейіргер жұмыс істейді. Пациентке арналған біздің мекемеге апаратын жол қабылдау бөлімшесінен басталады. Науқастар жедел жәрдем көлігімен жеткізіледі. Біз жедел жәрдем станцияларымен өзара іс-қимыл жолға қойылған және ауыр пациентті  алып бара жатқанда бізге аурухана базасында жұмыс істейтін жаңа ақпараттық жүйелер арқылы алдын ала хабарлайды. Анестетикалық-тыныс алу аппаратурасы бар реаниматологтар мен анестезиологтар бригадасы қабылдау бөлімшесінің алдында осындай науқаспен машинаны қарсы алады. Пациент дереу операция бөліміне немесе реанимацияға жіберіледі", - деді Алмаз Джувашев.

ЖКЖА-ға кіретіндердің барлығы жағдайдың ауырлығына байланысты бірнеше ағынға бөлінеді. Тәулігіне қабылдау бөлімшесі арқылы орта есеппен 240 адам өтеді.

Барлық қызметтер пациенттерге тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) шеңберінде көрсетіледі.

 Медициналық сақтандыру қорының Алматы қаласы бойынша филиалының мәліметінше, бірінші жартыжылдықта ЖКЖА дәрігерлері 2,7 млрд теңгеге 20 472 қалалық пациентке медициналық көмек көрсетті. Оның ішінде сақтандырылған азаматтарға МӘМС пакетінде 2,3 млрд теңгеден астам сомаға көмек көрсетілді.

Алмаз Джувашев екі жыл бұрын іске қосылған жаңа CEREBRA технологиясына назар аударды. Осы жасанды интеллекттің көмегімен инсульт 10 минуттың ішінде танылады. Әрі қарай жарияланымнан  оқыңыз:

https://www.inform.kz/ru/na-2-7-milliarda-tenge-okazali-medpomosch-vrachi-skoroy-v-almaty_a4108264