ЖАСӨСПІРІМ БАЛАЛАРДЫҢ СКРИНИНГІ: ЕРЕКШЕЛІКТЕРІ МЕН КӨРСЕТІЛІМДЕРІ

Жасөспірімдердегі профилактикалық тексерулердің өзіндік ерекшеліктері бар. Олар өсіп келе жатқан ағзаның физиологиялық ерекшеліктерімен де, жасөспірімдік кезеңнің психологиялық екпінімен де байланысты.

Жасөспірімдерде денсаулықтың келесі өзекті бұзылыстары бар:

   антропометриялық бұзылулар;

   қан түзілуінің бұзылуы (анемия);

  қан қысымын реттеудің бұзылуы (артериялық гипертензия);

 ауыз қуысының ауруы;

  есту патологиясы;                                                               

 көру патологиясы;

 депрессия; суицидтік ниет;

  эндокриндік аурулар ( гипотериоз, семіздік, қант диабеті, 2 типті қант диабеті).

 

ЖАСӨСПІРІМ КЕЗІНДЕ ҚАНДАЙ МАМАНДАРДЫҢ КОНСУЛЬТАЦИЯЛАРЫ  ҚАЖЕТ?

Бұл жаста жасөспірімдер жыл сайынғы профилактикалық медициналық тексеруден өтеді, оған келесі мамандардың консультациялары кіреді: педиатр, балалар хирургы, стоматолог, эндокринолог, невропатолог, ортопедиялық травматолог, офтальмолог, оториноларинголог, жасөспірімдер психиатры, қыздарға арналған акушер-гинеколог, ұлдарға арналған балалар урологы-андрологы.

 

ЖАСӨСПІРІМ КЕЗІНДЕ ҚАНДАЙ ЗЕРТТЕП-ҚАРАУ ӘДІСТЕР ҚАЖЕТ?

Жасөспірімдердегі скринингтік зерттеп-қарау әдістерінің арасында жалпы клиникалық қан мен несеп талдауы қолданылады. Несепті жалпы талдау белгілерді ерте анықтау үшін қажет: глюкозурия, протеинурия, гематурия, лейкоцитурия, бактериурия. Жалпы қан талдауы созылмалы қабыну ауруларын, анемияларды анықтауға мүмкіндік береді, сонымен қатар жыныстық жолмен берілетін ауруларды анықтауды қамтиды.

Сондай ақ келесі тексерулерден өту ұсынылады:

  Іш қуысы мен бүйрек ағзаларының  ультрадыбыстық зерттеуі

  Кеуде қуысының рентгенографиясы

  Тыныштықта және жүктемемен электрография

  Семіздік скринингі (артық салмақ)

 Паразиттерге скрининг

  Ауыз қуысының ауруларына скрининг

Дәрігердің жұмысында жасөспірімдерге келесі әлеуметтік және медициналық мәселелер бойынша консультация беру маңызды:

- жарақаттанудың алдын алу, велосипед шлемі мен қауіпсіздік белдігін автомобильде пайдалану мәселелері бойынша консультация беру;

- темекі шегудің, алкоголь мен есірткінің зияны туралы консультация беру.

Темекі шегетін жасөспірімдерге темекі шегудің зияны туралы айта  және тәуелділікті тоқтатуға ынталандыра отырып , алкоголь мен есірткінің зияны туралы да консультация беру;

- дене белсенділігі мәселелері бойынша консультация беру;

- жыныстық мінез-құлық және тәрбие туралы консультация беру;

- инфекциялардың, жыныстық жолмен берілетін аурулардың, АИТВ/ЖИТС-ның профилактикасы бойынша консультация беру;

- босануды бақылау (қаламаған жүктілік) мәселесі бойынша консультация беру;

- тамақтану мәселелері бойынша консультация беру;

- ауыз қуысының гигиенасы бойынша консультация беру, тіс щеткаларын, флостарды (жіп), тіс пастасын қолдану және тіс дәрігеріне үнемі бару;

Ойластырылған, саламатты режим, тыныш орта, жасөспірім үшін қызықты және ол үшін мүмкін болатын іс - шаралар, айналасындағылардың мейірімділігі мен түсіністігі, денсаулығының жай-күйін бақылау-жасөспірім кезеңінің бала үшін сәтті өтуінің негізгі шарттары.