АЛМАТЫ ДӘРІГЕРЛЕРІ АБСОЛЮТТІК РЕКОРД ЖАСАДЫ: ДЕНЕСІН 94% КҮЙІК ШАЛҒАН ПАЦИЕНТТІҢ ӨМІРІН САҚТАП ҚАЛДЫ

Денесін 94% күйік шалған ер адам Алматының №4 қалалық клиникалық ауруханасына жеткізілді. Реанимация бөлімшесіне шұғыл түрде емдеуге жатқызылды, реаниматологтар Антонға 20 күн күтім жасап, қарады.
Ол 53 күннен кейін өзі жүріп үйіне оралды.

"Төтенше жағдай 30 наурызда болды, менің автокөлігімнің аккумуляторы отырып қалды, мен аккумуляторды тұтатқан сәтте от шашырап, үстімдегі киімдерімнің барлығы дерлік жанып кетті. Бұл жан түршігерлік күйіктер болды, қатты ауырсынуға, операцияға төзуге тура келді. Екі айға жуық уақыт бойы дәрігерлер мен үшін күресті, ал бүгін мен қалыпты жағдайға оралдым – мен өзім жүре аламын, өзіме өзім күтім жасай аламын", - дейді Антон.

Бір айдан астам уақыт бойы ол бейінді күйік бөлімшесінде болды, күйік хирургтары операция : бір мезгілде аутодермопластикамен некрэктомия жасады. Басқаша айтқанда - күйген теріні алып тастап, зақымданбаған теріні ауыстырып қондырды.

"Мен мұны ерекше жағдай деп атайтын едім - 94% I-II-ІІІа-ІІІб дәрежелі бастың, беттің, мойынның, дененің, аяқ-қолдарымның термиялық жалын күйігі. Қазіргі уақытта пациенттің күйік ауруы қалпына келу сатысында", - деді Алматының төртінші қалалық ауруханасының комбустиолог дәрігері Диас Дәулетбеков.

Антон өзінің құтқарушыларына алғыс айтып, дәрігерлердің есімдерін жариялауды сұрайды. Бұл №4 МКА бас дәрігерінің емдеу бөлімі бойынша орынбасары - Биқоңыров Нұржан Омарұлы, АРҚТБ меңгерушісі - Дәулетбеков Жандос Шымыртайұлы, №4 МКА күйік бөлімшесінің меңгерушісі - Әлменов Ердос Әділханұлы, дәрігер - комбустиолог - Федотов Андрей Анатольевич, дәрігер - комбустиолог - Дәулетбаев Диас Ермұханбетұлы, аурухананың орта және кіші медицина қызметкерлері.