ҚР ДЕНСАУЛЫҚ САҚТАУ МИНИСТРЛІГІНІҢ САРАПШЫЛАРЫ КВИ ЖӘНЕ ЖРВИ БОЙЫНША АҒЫМДАҒЫ ЭПИДЕМИОЛОГИЯЛЫҚ ЖАҒДАЙ ТУРАЛЫ АЙТЫП БЕРДІ
Бүгін ОКҚ алаңында инфекциялық ауруларды эпидемиологиялық бақылау басқармасының басшысы Роза Кожапованың, «Санитариялық-эпидемиологиялық сараптама және мониторинг ғылыми-практикалық орталығы» АҚ филиалының директоры А.Қуатбаеваның, инфекциялық аурулар дәрігерлері Динагүл Баешева мен Бақыт Көшерованың қатысуымен «Елдегі эпидемиологиялық жағдай» тақырыбында сараптамалық брифинг өтті.
Дегенмен барлық өңір жасыл аймақта, 14 өңірде R көрсеткіштері біреуден көп, бұл инфекцияның таралуын көрсетеді. Тәулігіне 120-ға дейін КВИ+ жағдайы және 20-ға дейін КВИ-жағдайы тіркеледі, науқастардың 99%-ы сауығып кетті.
Қазақстанда соңғы 2 аптада алдыңғы 2 аптамен салыстырғанда сырқаттанушылық 1,4 есе өсті (754-тен 1075 жағдайға дейін).
Республикада Омикрон ВА 4, ВА.5 – 99,5% нұсқасының, BQ.1 (Цербер) - 0,5% (Астана қ.) айналымы байқалады. Қазіргі уақытта Қазақстанда халықты вакцинациялау және ревакцинациялау үшін вакциналардың 3 түрі бар: QazVac, Sinopharm және Pfizer. Егу пункттерінде қалдықта 14 мың QazVac дозасы, 260 мың sinopharm дозасы және 15 мың Pfizer бар.
«Алғашқы ревакцинациялауды 5,7 млн.адам немесе 70,2%-ы, екінші ревакцинациялауды-1,3 млн. адам немесе 55,2%-ы алды. Тәулігіне орта есеппен 800 адам алғашқы ревакцинациялаумен, 2000 адам қайта ревакцинациялаумен егіледі», - деді Р.Қожапова.
Сонымен қатар, сарапшылар қазіргі уақытта ЖРВИ және тұмау ауруларының маусымдық өсуі байқалатынын хабарлады.
Эпидемиологиялық маусымның басынан бастап (2022 жылғы 1 қазаннан бастап) ЖРВИ-дың 3,5 млн.жағдайы тіркелді, оның ішінде 14 жасқа дейінгі балалар-2,3 млн. жағдай, бұл 66% -ды құрайды.
Өткен аптамен салыстырғанда ЖРВИ-мен сырқаттанушылықтың 1,5 есе төмендеуі байқалады (243 мыңнан 163 мың жағдайға дейін).
Тұмаудың 3213 жағдайы тіркелді (тұмау В – 2205, А(H3N2) – 30, А(H1N1) – 978).
Өткен аптамен салыстырғанда тұмау жағдайларының саны 11 жағдайға өсті (аптасына 24-тен 35 жағдайға дейін).
Басқа тұмаусыз инфекцияларға 15 420 үлгі тексерілді, оның ішінде 1 591 сынамада (10%) оң нәтиже (риновирус – 474 (30%), РС вирусы – 401 (25%), аденовирус – 208 (13%), паратұмау – 144 (9%), бокавирус – 104 (7%), метапневмовирус - 134 (8%) және басқалары) анықталды.
Эпидемияға дейінгі кезеңде республика бойынша тұмауға қарсы 2,4 млн.адам немесе республиканың жалпы халқының 12,7% егілді, оның ішінде: 14 жасқа дейінгі балалар – 518 мың (22%), ересектер – 1,8 млн. (78%).
Сөз соңында спикерлер алдағы көктемгі мерекелерді ескере отырып, КВИ және басқа да вирустық инфекцияларды жұқтырудан сақтайтын бірнеше профилактикалық ұсыныстар берді. Олардың біріншісі - халық көп жиналатын жерлерде маскаларды пайдалану, мүмкіндігінше адамдар көп жиналатын орындарға, жабық бөлмелерге, әсіресе балалармен баруды шектеу, қолды өңдеу үшін антисептиктер немесе дезинфекциялық майлықтарды қолдануды ұмытпау, науқас адамдармен байланысын шектеу.