ДЕНСАУЛЫҚ САҚТАУ МИНИСТРЛІГІНІҢ БАСШЫСЫ АҚМОЛА ОБЛЫСЫНЫҢ БАС ДӘРІГЕРЛЕРІМЕН ДЕНСАУЛЫҚ САҚТАУДЫҢ ПРОБЛЕМАЛЫҚ МӘСЕЛЕЛЕРІН ТАЛҚЫЛАДЫ
Денсаулық сақтау министрі Ажар Ғиният Ақмола облысының тұрғындарына медициналық көмек көрсетудің проблемалық мәселелері бойынша кеңес өткізді.
Кеңестің жұмысына облыстың медициналық ұйымдарының, облыстың денсаулық сақтау басқармасының, ӘМСҚ аумақтық ведомстволық бағынысты ұйымдарының, Ақмола облысының МФБКД басшылары қатысты.
Министр кеңес барысында скринингтік зерттеулер нәтижесінде анықталудың төмендігін атап өтті. Мәселен, қанайналымы жүйесі ауруларынан болатын өлім-жітім көрсеткіші 29,4% - ға төмендегенімен, бұл республикалық орташа көрсеткіштен 17%-ға артық. Облыс бойынша қатерлі ісіктерден болатын өлім-жітім көрсеткіштері де орташа республикалық мәннен 34% - ға асады.
Бұл ісіктердің визуалды 27,0-ден 27,2% - ға дейін өсуін растайды, бұл елдегі ең жоғары көрсеткіш. Ақмола облысында іс жүзінде әрбір үшінші онкологиялық науқас мамандандырылған емдеуді жүргізуде қиындықтар туындаған кезде асқынған немесе жалпыланған күйде тіркелген.
«Жоғарыда айтылғандар өңірдің Денсаулық сақтау басқармасы тарапынан онкологиялық көмекті ұйымдастыру мен көрсетуді үйлестірудің жеткіліксіздігі, барлық медицина қызметкерлері мен жалпы облыс халқы арасында онкологиялық сақтандырудың төмендігі туралы айтады. Мұнда да онкологтармен және онкологиялық көмек үйлестірушілерімен қамтамасыз етілуінің төмен деңгейі проблемасы да орын алуда», - деп атап өтті министр.
«Инсульттан болатын өлім-жітімді төмендету бөлігінде МСАК деңгейінде терапевттердің, пациенттерді диспансерлеу, инсульттің бастапқы және қайталама профилактикасы бойынша жалпы практика дәрігерлерінің әлсіз жұмысы байқалады, бұл үйдегі жоғары өлім-жітімнің себебі болып табылады. Стационардан шыққаннан кейін инсульт алған адамдарды диспансерлік есепке алумен толық қамтылмағаны байқалады - жоспар 100% болғанда 85%-ды құрады», - деді Ажар Ғиният.
Ол сондай-ақ облыс стационарларында кадрлармен қамтамасыз етудің бірқатар проблемаларын, әсіресе кардиологиядағы бейінді мамандардың жетіспеушілігін, жүйелі тромболиздің төмен деңгейін және инфаркт науқастарына көмек көрсетудегі басқа да манипуляцияларды атап өтті.
Кеңес барысында өңірлік медициналық ұйымдармен медициналық көмекті қаржыландыру, дәрі-дәрмекпен үздіксіз қамтамасыз ету мәселелері талқыланды, министр жергілікті денсаулық сақтау басқармаларының алдына кадрлармен қамтамасыз ету, халықтың денсаулығын сақтау саласындағы көрсеткіштерді жақсарту бойынша бірқатар міндеттер қойды.
Министр Медициналық сақтандыру қорына жергілікті атқарушы органдармен бірлесіп МӘМС жүйесінде халықты қамтуды арттыру жөніндегі жұмысты жандандыруды тапсырды. Сондай-ақ медициналық ұйымдарды қаржыландыру бөлігінде медицина қызметкерлерінің жалақысын арттыруға қажетті қаражат көзделсін, балаларға медициналық көмек көрсетуді қоса алғанда, ауылдық денсаулық сақтауды қаржылық қамтамасыз ету үшін тарифтерді қайта қарауды жеделдетсін.
Медициналық және фармацевтикалық бақылау комитетіне А.Ғиният медициналық қызметтердің сапасына қанағаттанушылықты арттыру мәселелерін тұрақты негізде бақылауды, сондай-ақ өңірдің медициналық ұйымдарына рейтингтік бағалау жүргізуді тапсырды.
Кеңес соңында Денсаулық сақтау басқармасының басшысы Нариман Ахельбеков кадрлық қамтамасыз ету, жас мамандарды әлеуметтік қолдау, медициналық жоғары оқу орындарына түсу үшін бөлінетін гранттар бөлігінде жүргізіліп жатқан жұмыстар туралы хабардар етті. Бұл ретте ол министр көтерген Денсаулық сақтау саласындағы барлық проблемалық мәселелерді шешу үшін жергілікті атқарушы органдар мен медициналық ұйымдардың өздері тарапынан барлық күш-жігер жұмсалатынын атап өтті.