ЕЛОРДАДА БАЛАЛАР ЖҰҚПАЛЫ АУРУЛАРЫН ЕМДЕУ МӘСЕЛЕЛЕРІ ТАЛҚЫЛАНДЫ

ҚР Денсаулық сақтау министрі Ажар Ғиният Нұр-Сұлтан қаласының балалар жұқпалы аурулар ауруханасының 25 жылдығына арналған "COVID-19 пандемиясы кезеңінде балалардағы жұқпалы патологияның проблемалары мен оны шешу жолдары" атты республикалық ғылыми-практикалық конференцияға қатысты.
Іс-шараны аша отырып, өзінің кіріспе сөзінде балалардың денсаулығын қорғау денсаулық сақтау жүйесі жұмысының өзекті және маңызды бағыттарының бірі екенін атап өтті.
"Әйелдер мен балаларға медициналық көмек сапасын жақсартуға бағытталған кешенді шараларды жоспарлы түрде іске асырудың арқасында, атап айтқанда, кәсіби кадрларды даярлау, диагностика мен емдеудің заманауи әдістерін енгізу, ДДҰ халықаралық ұсынымдарын енгізу, балалар қызметінің мамандандырылған бейінді бағыттарын дамыту, жоғары технологиялық медициналық көмектің қолжетімділігін арттыру, медициналық-санитарлық алғашқы көмек жұмысын ұйымдастыруды жетілдіру арқылы соңғы онжылдықта іс жүзінде балалар мен сәбилер өлім-жітімінің көрсеткіштерін 2 есеге төмендету мүмкін болды", - деді министр.
Сондай-ақ, ол жұқпалы аурулар мамандары мен клиницистер қысқа мерзімде балалардағы COVID-19 диагностикасы мен емдеудің клиникалық хаттамасын жасап, әлемдік стандарттарға сай және аймақтық денсаулық сақтау саласына жеткізген кезде коронавирустық пандемиямен күрес шараларының нәтижелерін қорытындылады.
Сонымен қатар, коронавирустық инфекциясымен сырқат науқастарға, соның ішінде балаларға медициналық көмек көрсетуді ұйымдастыру бойынша әдістемелік ұсынымдар бекітілді.
Ажар Ғиният медициналық қоғамдастықтың бірлескен күш-жігерінің арқасында ғана КВИ ауруы бойынша эпидемиологиялық жағдайды тұрақтандыруға қол жеткізілгенін атап өтті.
Қазіргі уақытта, ҚР ДСМ басшысының пікірінше, медицина қызметкерлерінің біліктілігін арттыруға, тәжірибе алмасуға, емдеудің жаңа әдістерін, оның ішінде халықаралық ақпараттық алаңдарда талқылауға күш-жігерді шоғырландыру қажет.

"Балалардың жұқпалы ауруларының төмендеуі вакциналық профилактикамен қамтамасыз етілгеніне қарамастан, ЖРВИ, ЖІИ, С гепатиті, энтеровирустық, зооноздық инфекциялар сияқты басқарылмайтын инфекциялар тобы туралы ұмытпау керек.
Бүгінгі конференция еліміздегі балалар инфекциялық қызметінің дамуына жаңа серпін беретініне сенімдімін", - деп түйіндеді министр.
Шараға медициналық ұйымдардың басшылары, дәрігерлер мен инфекциолог-ғалымдар қатысқанын айта кету керек.
Сонымен қатар, "Астана медицина университеті" КЕАҚ балалар жұқпалы аурулары кафедрасының меңгерушісі, медицина ғылымдарының докторы, профессор Динагүл Баешева КВИ пандемиясы кезінде балалардың жұқпалы ауруларын емдеу туралы айтты.
"Бүгінде Қазақстанда балалардың жұқпалы ауруларын емдеу қатаң түрде халықаралық стандарттар бойынша жүргізіледі. Балалар арасында КВИ ауруының өсуін одан әрі төмендетуге және асқынуларды жоюға стационарлар мен МСАК медициналық қызметкерлерін клиникалық хаттамаларды, бас мемлекеттік санитарлық дәрігердің қаулыларын пайдалану бойынша жүйелі түрде оқыту және медициналық құжаттаманы жүргізу; шұғыл жағдайдағы пациенттерге мониторинг жүргізу және көмек көрсету мәселелерін шешу, сондай-ақ тұрмысы нашар отбасылардағы ерте жастағы балаларға мониторинг жүргізу; жүйелі қабыну реакциясы бар пациенттерде нутритивті қолдау, сондай-ақ инфузиялық терапия және Гидробаланс мәселесін өзектендіру; дәрігерлердің өңірлік мультидисциплинарлық командаларының жұмысын күшейту, қолайсыз преморбидті фоны бар пациенттерде COVID-19 ерте мониторингі арқылы қол жеткізуге болады деп санаймын", - деп атап өтті профессор.
Сондай-ақ, ол COVID-19 пандемиясы аясында орталық жүйке жүйесінің инфекциялық зақымдануы салдарынан балалардың өлімі мен мүгедектігін азайту мақсатында ҚР ДСМ жетекші мамандары атынан мультидисциплинарлық сараптама комиссиясын құруды ұсынды.
Өз кезегінде, ҚР ДСМ санэпидбақылау комитеті вакцинамен басқарылатын инфекцияларды бақылау басқармасының басшысы Нұршай Әзімбаева балаларды иммундау мәселесіне түсініктеме берді.

"Мен балаларды да, ересектерді де жұқпалы ауруларға қарсы иммундаудың маңыздылығы туралы айтқым келеді. Бүгінгі таңда вакцинацияның әлемдік денсаулық сақтауды дамытудағы рөлі зор және оны асыра бағалау мүмкін емес. Тіпті антибиотиктер вакцинация сияқты өлім-жітімнің төмендеуіне әсер етпеді, бұл халықтың өсуіне және оның өмір сүру сапасының жақсаруына әкеледі. Вакциналар дәрілік заттарға қарағанда дені сау адамдардың дені сау болып қалуына мүмкіндік береді", - деп атап өтті вакцинамен басқарылатын инфекцияларды бақылау басқармасының басшысы.
Сарапшы қазіргі уақытта балаларды иммундау мәселелерін шешу мәселесінде ата-аналар қауымдастығымен байланыс орнату маңызды екенін қоса айтты.