Еліміздің барлық медициналық ұйымдары өз жұмыстарын жоспарлы түрде қалпына келтірді

ҚР Денсаулық сақтау министрлігі ТЖ жарияланған сәттен бастап халыққа үздіксіз медициналық көмек көрсетуді қамтамасыз ету бойынша тәулік бойы ақпарат жинайтын жедел штаб ұйымдастырды.

Денсаулық сақтау басқармаларының мәліметінше, ТЖ енгізілген сәттен бастап 2 678 зардап шеккен адам медициналық көмекке жүгінген, оның ішінде амбулаториялық көмекке жүгінгендер - 1 815 . Қазіргі уақытта 265 адам стационарлық ем алуда, 598 пациент шығарылды.
Төтенше жағдай кезінде медициналық ұйымдарда 175 науқас қайтыс болды.

Тәртіпсіздік барысында денсаулық сақтау объектілеріне (5 стационар, 1 МСАК және Алматы қаласындағы 14 дәріхана) 20 шабуыл жасалды, 7 медицина қызметкері (Алматы қаласында 5, Шымкент қаласында және Алматы облысында - 1) және 4 өңірде 45 жедел медициналық көмек автомашиналары (Алматы қаласында - 31, Шымкент қаласында - 7, Алматы қаласында-5, Жамбыл облысында-2) зардап шекті.

Санитарлық авиацияның көмегімен резервті құру үшін Нұр-Сұлтан қаласынан Республикалық қан орталығына 360 доза қан жеткізілді.

Медициналық ұйымдар дәрілік препараттармен және қан компоненттерімен толық көлемде қамтамасыз етілген.

ҚР ІІМ-мен бірлесіп Алматы, Нұр-Сұлтан, Шымкент, Ақтөбе қалаларында "СК Фармация" ЖШС-ның дәрілік қоймаларын тәулік бойы күзету қамтамасыз етілді, онда ТМККК және МӘМС шеңберінде пациенттерді емдеуге арналған барлық дәрі-дәрмектер, есірткі және психотроптық заттар сақталады.
Қазіргі уақытта республиканың барлық медициналық ұйымдары штаттық режимде жұмыс істейді, оның ішінде Алматы қаласы бойынша.

Медициналық қызмет көрсету, ауруханаға жатқызу, дәрі-дәрмекпен қамтамасыз ету және негізгі ауруларға байланысты консультациялар мәселелері бойынша 1406 бірыңғай байланыс орталығының жедел желісі жұмыс істейді, сондай-ақ Алматы қаласы мен Алматы облысының тұрғындары үшін 1414 телефоны және 8 727 376 56 69 телефон нөмірі бойынша психологиялық қолдау көрсетіледі. Қазір 3900 - ден астам қоңырау түсті, оның ішінде Алматы қаласы бойынша - 740.