Науқастың қажеттіліктеріне басты назар аударылады - А.Цой

Науқастың қажеттіліктеріне басты назар аударылады - А.Цой

Бүгін Денсаулық сақтау министрі Алексей Цой ҚР Президенті жанындағы Орталық коммуникациялар қызметінің алаңында халықпен есептік кездесу өткізіп, оның барысында 2020 жылғы қызметі және ведомствоның 2021 жылға арналған жоспарлары туралы әңгімеледі.

Денсаулық сақтау жүйесі тап болған сын-қатерлерді ескере отырып және Мемлекет басшысының тапсырмаларына сәйкес Министрлік қызметтің жаңа басымдықтарын қалыптастырып, назар аударды. Олардың ішінде - МӘМС шеңберінде халыққа медициналық қызмет көрсету сапасын арттыру жөніндегі жұмысты күшейту, бастапқы медициналық көмекті ұйымдастыру тәсілдерін түбегейлі қайта қарау, көлік медицинасын күшейту, барлық өңірлерде ірі заманауи ауруханалар салу, өңірлерде инфекциялық ауруханалар салу, елді мекендерді фельдшерлік-акушерлік пункттермен және дәрігерлік амбулаториялармен қамтамасыз ету, медицина қызметкерлерінің жалақысын арттыру, медициналық мекемелерді кадрлармен қамтамасыз етудің орта мерзімді болжамын қалыптастыру, Медициналық және фармацевтикалық өнеркәсіпті дамыту.

Бұл жұмыс 2021 жылы да жалғасатын болады. Ол үшін Президенттің 2020 жылғы 1 қыркүйектегі «Қазақстан жаңа іс-қимыл кезеңінде» атты ел халқына Жолдауын іске асыру шеңберінде Қазақстан Республикасының Денсаулық сақтау саласын дамытудың 2020-2025 жылдарға арналған мемлекеттік бағдарламасын ұлттық жобаға трансформациялау бойынша жұмыс басталды.

«Дені сау ұлт» ұлттық жобасы Қазақстан Республикасының 2025 жылға дейінгі ұлттық даму жоспарының, Nur Otan партиясының «Өзгерістер жолы: әркімге лайықты өмір!», ҚР Денсаулық сақтау саласын дамытудың 2020-2025 жылдарға арналған мемлекеттік бағдарламасы, 2030 жылға дейінгі Тұрақты даму мақсаттарының ұлттық индикаторлары», - деді А.Цой.

Ұлттық жобаның негізгі бағыттары: «Денсаулық сақтауды дамыту», «Эпидемиологиялық болжау мен ден қоюдың қазіргі заманғы жүйесін қалыптастыру», «Қазақстанның отандық фармацевтикалық өнеркәсібі», «Бұқаралық спортты дамыту». Негізгі ұлттық индикатор 2026 жылға қарай өмір сүру ұзақтығының 75 жасқа дейін өсуі болып табылады.

«Дені сау ұлт» Ұлттық жобасын іске асыру нәтижесінде денсаулық сақтауды қаржыландыру көлемін барлық көздерден елдің ЖІӨ-нің 5%-ына дейін ұлғайту, жыл сайын экстракорпоралдық ұрықтандыруды жүргізуге 7000 квота бөлу, өңірлерде 20 заманауи медициналық орталық салу, ауылдық елді мекендерде 137 фельдшерлік-акушерлік, медициналық пункттер мен дәрігерлік амбулаториялар ашу күтілуде. Бұдан басқа, МӘМС қаражаты есебінен әрбір азамат үшін қымбат тұратын медициналық қызметтердің қолжетімділігін қамтамасыз ету және квоталарды 1,3 млн-нан ұлғайту жоспарлануда. дәрігерлердің орташа жалақысын 2,5 есеге арттыру, сондай-ақ отандық өндірістегі дәрілік заттар мен медициналық бұйымдардың үлесін  50% дейін ұлғайту.

Денсаулық сақтау саласында қажетті қайта құрулар векторын айқындау үшін Министрлік Денсаулық сақтау жүйесін одан әрі дамыту перспективасының пайымын қалыптастырды, олар Денсаулық сақтау тиімділігін арттыруға, медициналық көмектің қолжетімділігі мен сапасын қамтамасыз етуге бағытталатын болады.

«Ұсынылып отырған модельде біз пациенттің қажеттіліктеріне басты басымдық беруді жоспарлап отырмыз. Осы қажеттіліктердің негізінде денсаулық сақтау ұйымдарындағы сервисті жақсарту, медициналық ұйымдарды қолда бар қажеттілікке сәйкес кадрлық қамтамасыз ету, денсаулық сақтау процестерін автоматтандыру және ақпараттандыру бөлігінде жедел шешімдер қабылдануы тиіс», - деп атап өтті Денсаулық сақтау министрлігінің басшысы.

Бұл ретте денсаулық сақтау саласындағы қажетті стандарттарды, нормативтік құқықтық актілерді әзірлеу, ең алдымен, халықтың мұқтаждығы тұрғысынан қалыптастырылатын болады. А. Цойдың айтуынша, медициналық көмектің қолжетімділігін қамтамасыз ету және сапасын арттыру үшін медициналық ұйымдарды материалдық-техникалық қамтамасыз ету, жаңа денсаулық сақтау нысандарын салу немесе тозған нысандарды жөндеу бойынша шаралар қабылданатын болады. Мұның бәрі, сайып келгенде, жұмысты жетілдіруге, қалада да, ауылда да медициналық көмек көрсетуді күшейтуге, сондай-ақ денсаулық сақтау жүйесін естуге мүмкіндік береді.