АСТАНАДА «АСЫЛ ҚАДАМ» АЛЛЕЯСЫНДА ДОНОРЛАРҒА АРНАЛҒАН АҒАШ ОТЫРҒЫЗУ АКЦИЯСЫ ӨТТІ

Бүгін Астанада «Асыл қадам» аллеясында Ағзалар донорлығы және трансплантаттаудың Еуропалық күніне орай донорларға құрмет көрсету мақсатында ағаш отырғызу акциясы өтті.

2026 жылғы қыркүйектегі мәлімет бойынша Қазақстанда 4 867 пациент, оның ішінде 126-сы – бала ағза трансплантаттауын күтуде. Тоғыз айда елде ағзаларды трансплантаттау бойынша 208 операция жасалды. Оның 42-сі қайтыс болған донорлардан алынған ағзаларды пайдалану арқылы жүргізілді.

1 қыркүйектегі eGov деректеріне сәйкес 184 191 адам қайтыс болғаннан кейінгі донорлыққа қатысты өз ерік білдіруін тіркеген. Олардың 17 158-і келісім берген. Бұл көрсеткіш өткен жылмен салыстырғанда 75%-ға жоғары.

Отырғызылған ағаштар донорларға деген алғыстың символына айналып, трансплантаттау өмір сүруге мүмкіндік беретін адамдарды еске салады. Қайтыс болғаннан кейінгі донорлыққа қатысты шешім әр адамның жеке әрі ерікті таңдауы болып қала береді. Ал азаматтардың хабардар болуы мен жүйенің ашықтығы қоғам сенімін қалыптастыруда маңызды рөл атқарады.