Медицина қызметкері күні қарсаңында ҚҚДИ жүргізген социологиялық зерттеудің нәтижелерін ұсынамыз Зерттеу қорытындысына сәйкес, қазақстандықтардың пікірінше, дәрігер мамандығы - ең беделді мамандық. Жауаптың осы нұсқасын респонденттердің 28,8%-ы таңдаған.

 Одан кейін заңгер (21,3%) және мұғалім (20,8%) мамандықтары орналасқан. Алынған нәтижелер медицина саласы мамандарының қоғамдағы жоғары беделі мен мойындалуын көрсетеді. Бұл олардың әлеуметтік маңыздылығымен және азаматтардың денсаулығы мен өмірімен тікелей байланысты қызмет атқаруымен түсіндіріледі. Еңбек нарығы өзгеріп, кәсіби орта цифрландырылып жатқан жағдайда да денсаулық сақтау саласы қоғамның құндылықтар жүйесінде өз маңызын сақтап келеді.