АЛМАТЫДА МЕДИЦИНАЛЫҚ ТУРИЗМ САЛАСЫНДАҒЫ ЭКСПОРТТЫҚ ӘЛЕУЕТ ТАЛҚЫЛАНДЫ

Алматы қаласында медициналық туризмге арналған Almaty International Medical Tourism Forum халықаралық форумы өтті, аталған алаңда Салидат Қайырбекова атындағы Ұлттық ғылыми денсаулық сақтауды дамыту орталығы, «Zhaniya Medical Services» ЖШС және үндістандық Max Healthcare Institute Limited компаниясының арасында медициналық туризм, кәсіби оқыту және тәжірибе алмасу бағыттарында өзара ынтымақтастық туралы үшжақты меморандумға қол қойылды.

Форум Қазақстандағы медициналық туризмді дамыту перспективаларын талқылауға, халықаралық әріптестікті нығайтуға және отандық денсаулық сақтау жүйесінің экспорттық әлеуетін ілгерілетуге арналған маңызды диалог алаңына айналды.

Форум бағдарламасының шеңберінде өткен пленарлық отырыстар, сараптамалық баяндамалар мен панельдік сессияларда келесі мәселелер қарастырылды:
• Қазақстанның медициналық туризм бағыты ретіндегі бәсекелік артықшылықтары;
• жоғары технологиялық медициналық көмекті дамыту (онкология, трансплантология, нейрохирургия);
• пациенттерді тартудың халықаралық практикалары;
• денсаулық сақтау мен туризм салалары арасындағы өзара іс-қимыл мәселелері.

Форумды өткізу Қазақстанның медициналық туризм саласындағы жоғары әлеуетін айқындап, оны реттеу мен ілгерілетудің жүйелі тетіктерін одан әрі дамыту қажеттігін көрсетті.

Іс-шара Алматы қаласының Туризм басқармасының, Қазақстан Республикасы Денсаулық сақтау министрлігінің Салидат Қайырбекова атындағы Ұлттық ғылыми денсаулық сақтауды дамыту орталығының қатысуымен және халықаралық серіктестерді тарта отырып ұйымдастырылды.