ДЕНСАУЛЫҚ САҚТАУ МИНИСТРЛІГІ: ҚАЗАҚСТАНДА ДОНОРЛЫҚҚА НИЕТ БЕРГЕНДЕРДІҢ САНЫ 3 ЕСЕГЕ ЖУЫҚ ӨСТІ

2025 жылы Қазақстанда 12 671 адам қайтыс болғаннан кейінгі донорлыққа келісімін берген.

 

Бұл жай ғана статистика емес. Әрбір осындай шешім – трансплантаттауды күтіп отырған бірнеше адамның өмірін сақтап қалу мүмкіндігі.

 

Жалпы алғанда, соңғы үш жылда қайтыс болғаннан кейінгі донорлыққа саналы түрде келісім берген азаматтар саны шамамен 3 есеге артты:

•2023 жылы – 4 991 адам,

•2024 жылы – 7 242 адам,

•2025 жылы – 12 671 адам.

 

Бұл статистиканың ең маңызды қорытындысы – қазақстандықтардың донорлық мәселесіне барған сайын жауапкершілікпен қарап, бұл туралы өмірінде алдын ала ойлануы. Бұл – адам өмірін сақтап қалуға бағытталған саналы әрі маңызды таңдау.