ДЕНСАУЛЫҚ САҚТАУ МИНИСТРЛІГІ: МСАК ҰЙЫМДАРЫНЫҢ 80%-ДА ПЕДИАТРИЯЛЫҚ БӨЛІМШЕЛЕР АШЫЛДЫ

Қазақстанның Денсаулық сақтау министрлігі балаларға алғашқы деңгейде кешенді медициналық көмек көрсетуді күшейтуде. 2025 жылдың шілдесінен бастап МСАК ұйымдарының 80%-да педиатриялық бөлімшелер құрылды, деп хабарлады Денсаулық сақтау министрі Ақмарал Әлназарова бүгін Үкімет отырысында.

Сонымен қатар, 2025 жылдан бастап елде патологияны ерте анықтау және емдеу үшін 336 ерте даму және араласу орталығы жұмыс істейді.

Бүгінгі таңда балаларға әмбебап-прогрессивті модель бойынша 4 мыңға жуық патронаждық мейіргерлер қызмет көрсетеді. GPS навигациясы мен фотофиксациясы бар патронаждық есепті цифрландыру үйдегі балалардың өлімін 22%-ға, ал кеш емдеуге жатқызуды 5%-ға төмендетуге мүмкіндік берді.

Сондай-ақ елімізде 302 тапшы бейінді төсек қалпына келтіріле отырып 15 балалар ауруханасын жаңарту жалғасуда және перинаталдық орталықтар желісі құрылуда.

Қазіргі уақытта Астанада перинаталдық орталықтың құрылысы жүргізілуде, Шымкент пен Түркістан облысындағы нысандарды жобалау аяқталды, тағы алты жоба әзірленуде және бейімделуде.

Қазіргі перинаталдық көмекті дамыту ана мен бала өлімін одан әрі төмендетуге бағытталған.