АЛМАТЫДА АЛҒАШ РЕТ FARAPULSE ABLATION ТЕХНОЛОГИЯСЫ БОЙЫНША ЖҮРЕККЕ БІРЕГЕЙ ОПЕРАЦИЯ ЖАСАЛДЫ
Еліміздің оңтүстік өңірінде алғаш рет Кардиология және ішкі аурулар ҒЗИ-да Farapulse Ablation жаңа технологиясын қолдана отырып, жүрекке бірегей операция жасалды. Операцияларды Загреб қаласындағы университеттік клиникадан жетекші Хорват маманы Ведран Велагичтің қатысуымен ҒЗИ интервенциялық аритмологтары жүргізді.
«Алматы қаласында Farapulse Ablation көмегімен операция жүргізу - бұл нағыз серпіліс. Бұл біздің дәрігерлерге озық әлемдік жетістіктерді пайдалануға, емдеу сапасын арттыруға және аритмиямен ауыратын пациенттерге үміт беруге мүмкіндік береді», - дейді басқарма төрағасы Рүстем Төлеутаев.
Клиниканың аритмологиялық қызметінің аға резиденті Асылхан Паримбековтың айтуынша, Farapulse Ablation - жүрекшелер фибрилляциясын емдеудің революциялық әдісі - жүрек ырғағының ең көп таралған бұзылыстарының бірі. Радиожиілік немесе криоабляцияны қолданатын дәстүрлі әдістерден айырмашылығы, Farapulse технологиясы электр өрісінің қысқа, жоғары энергетикалық импульстарын қолданады.
«Бұл импульстар тек аритмияны тудыратын ауру жүрек жасушаларын бұза отырып, зергерлік дәлдікпен әрекет етеді. Бұл ретте, қоршаған тіндер, соның ішінде нервтер мен өңеш зақымдалмаған күйінде қалады. Бұл тәсіл емшараны қауіпсіз, жылдам және тиімді етеді, операцияның уақытын қысқартады және пациенттердің қалпына келуін тездетеді», - дейді доктор.
Жүрекше фибрилляциясы немесежыпылық аритмия – жүрекшелердің тез және тұрақты емес жиырылуында көрінетін ең көп таралған аурулардың бірі. Оның ең қауіпті салдары - инсультке әкелетін ұйыған қанның пайда болуы.
Алғашқы пациенттердің бірі - жүрекшелер фибрилляциясының пароксизмалдық түрімен ауыратын 56 жастағы әйел, тахи-бради түрі, ауыр асқыну қаупі өте жоғары гипертонияның ауыр нысаны.
Клиникаға түсу кезінде ол ұзақтығы 2-3 сағатқа дейін болған, 2-қабатқа көтерілуі кезіндегі жалпы әлсіздікпен, физикалық жүктеме кезінде ентігумен жүрек соғу жиілігінің жоғарылауына алаңдады.
68 жастағы тағы бір пациент жүрекше фибрилляцияның пароксизмалдық нысаны, тахисистолалық түрі диагнозымен, жүректің ишемиялық ауруы, кернеу стенокардиясы, 2022 жылы миокард инфарктісі, артериялық гипертония, созылмалы жүрек жеткіліксіздігі, шығарылу фракциясы 34% төмендеген қосалқы диагнозбен жүгінді. Соңғы 3 жылдың ішінде оған стент орнатылды, маммарокоронарлық және аортокоронарлық шунттау жүргізілді, кардиовертер-дефибриллятор имплантатталды. Оның осындай шағымдары болды. Операциялар сәтті өтті, пациенттер жағдайдың жақсарғанын атап өтті.
2 күннің ішінде 10 операция жасау жоспарлануда. Операциялар МӘМС шеңберінде тегін жүргізіледі.