Байқаңыз, вейп!
Темекі индустриясының нарығы өте тез дамып келеді және бұл өнімдердің жаңа түрлері пайда болуда.
Бірнеше жыл бұрын дүкен сөрелерінде бумен дем алатын құрылғылар пайда болды. Бұл электронды темекінің әртүрлі түрлері, олар никотинді тұтынудың электронды жүйелері (вейптер), ал кейде никотинсіз өнімдерді электронды жеткізу жүйелері болып табылады.
Пайдаланушылардың пікірінше, дәмді және жағымды иіс, әр тұтынушының қалауына сай дәм, стильді дизайн, үй-жайдан шықпай булау (тарту) – міне, керемет артықшылықтар. Бірақ бұл шынымен де солай ма?
Вейптерді ингалятормен салыстыруға болады, онда сұйықтық қайнаған кезде темекі шегуші дем алатын бу пайда болады. Вейптерде никотин, глицерин, пропиленгликоль, формальдегид және мыңдаған белгісіз химиялық заттар бар.
Бүгінде жасөспірімдер мен жастар арасында вейптердің танымалдығы артып келеді. Никотинге тәуелділік, әсіресе жасөспірімдер мен жастарда, бұрын темекі шекпеген және әдеттегі темекіні пайдаланбаған адамдарда тезірек болады. Вейп құрамына кіретін пропиленгликоль физиологиялық процестерді өзгертеді және тыныс алу жолдарының жедел уыттылығы мен тітіркенуін тудырады. 4-ші буын вейптері тыныс алу жолдарының эпителийін зақымдайтын және тіндердің гипоксиясын тудыратын жоғары концентрациялы аэрозоль шығарады. Вейп сұйықтығында өкпе тініне (альвеолаларға) енген кезде өкпе жүйесіне салыстырмалы түрде тез және терең зақым келтіретін майлы заттар бар.
Дүниежүзілік Денсаулық сақтау ұйымы, вейптердің ағзаға дәлелденген елеулі зияндылығын ескере отырып, елдерді олармен күресуге шақыруда. ДДҰ мәліметтері бойынша әлемнің 33 елінде вейп айналымына тыйым салынған.
Дегенмен, Қазақстанда да вейп айналымына тыйым салу жоспарлануда. Қазіргі уақытта электрондық жүйелердің/вейптердің айналымына тыйым салу жөніндегі жобаны Қазақстан Республикасының Парламенті қарастыруда.
Электрондық темекіні толығымен тастау ғана денсаулықты сақтауға көмектеседі. Сондықтан, өзіңізді "зиянсыз" темекі шегудің баламасымен алдамаңыз.
Өз денсаулығыңыз бен жақындарыңыздың денсаулығына қамқор болыңыз!