Спортшылардың тамақтануына арналған тамақ өнімдері туралы не білуіміз керек?

Спортшылардың тамақтануына арналған тамақ өнімдері-бұл берілген химиялық құрамның, тағамдық құндылығы жоғарылаған және (немесе) бағытталған тиімділіктің, өнімдер кешенінен тұратын немесе олардың жекелеген түрлерімен ұсынылған, адамның физикалық және жүйке-эмоционалдық жүктемелерге бейімделу мүмкіндіктерін арттыруға ерекше әсер ететін арнайы тамақ өнімдері.

Еуразиялық экономикалық одақтың қолданыстағы заңнамасына сәйкес спортшыларды тамақтандыруға арналған тамақ өнімдері мемлекеттік тіркеуге жатады. Өнімнің қауіпсіздігін растайтын құжат мемлекеттік тіркеу туралы куәлік болып табылады.

Мемлекеттік тіркеу туралы куәліктің болуын Еуразиялық экономикалық комиссияның ресми сайтында мемлекеттік тіркеу туралы куәліктердің бірыңғай тізілімінде тексеруге болады (https://eec.eaeunion.org).

Құрметті тұтынушылар! Қазіргі уақытта бұқаралық ақпарат құралдарында, оның ішінде әлеуметтік желілер арқылы спортшылардың тамақтануы үшін тамақ өнімдерінің үлкен ассортименті сатылуда. Осыған байланысты, біз Сізге осындай өнімдерді арнайы дүкендерден сатып алуды ұсынамыз.

Оны сатып алмас бұрын сатушылардан қауіпсіздікті растайтын құжатты, яғни мемлекеттік тіркеу туралы куәлікті талап етіңіз.

Өнімнің таңбалануына назар аударыңыз. Ол міндетті түрде мемлекеттік және орыс тілдерінде, анық, түсінікті және жаңылыстырмауы керек. Таңбалауда тамақ өнімдері үшін көзделген мәліметтер болуға тиіс: атауы, құрамы, мөлшері, дайындалған күні және жарамдылық мерзімі, сақтау шарттары, дайындаушының атауы және орналасқан жері, пайдалану жөніндегі ұсынымдар және (немесе) шектеулер, ГМО-ның болуы туралы мәліметтер, ЕАС белгісі.

Сонымен қатар, спортшылардың тамақтануына арналған тамақ өнімдерінің таңбалауында: «Спортшылардың тамақтануына арналған арнайы тамақ өнім» деп көрсетілуі керек. Тұтынушылық қаптамаға өнімнің тағамдық және энергетикалық құндылығы туралы қосымша мәліметтер, физиологиялық қажеттіліктің үлесі; ұсынылатын дозалар, дайындау тәсілдері (қажет болған жағдайда), қолдану шарттары мен ұзақтығы енгізіледі.

Осы қарапайым ұсыныстарды орындау Сізге қауіпсіз өнімді сатып алуға мүмкіндік береді!