Саңырауқұлақтардан уланудың алдын алу
Саңырауқұлақ жинауға шыққан адамдардың бәрі олардың түрлерін жақсы біле бермейді. Бұл улы саңырауқұлақтарды кездейсоқ тұтынуға әкеледі. Осыдан кейін пайда болатын улану өлімге әкелуі мүмкін ең ауыр тағамдық интоксикацияға жатады.
Бұл мәселеде адам неғұрлым көп хабардар болса, біз жақсы көретін табиғи өнімді тұтынудың жағымсыз салдарын болдырмау ықтималдығы соғұрлым жоғары болады.
Саңырауқұлақтармен улану – бұл ағза үшін қауіпті жағдай және денсаулыққа өте ауыр зардаптар әкелуі мүмкін, сондықтан оны уақытында тани білу маңызды.
Тіпті жеуге жарамды саңырауқұлақтардың бойына денсаулыққа қауіпті ауыр металдар мен радиоактивті заттар жинақталуы мүмкін екенін әрқашан есте ұстаған жөн, сондықтан ешқашан автомобиль жолдары мен өнеркәсіптік кәсіпорындардың жанынан саңырауқұлақ жинауға болмайды.
Саңырауқұлақтармен уланудың алғашқы белгілері: жүрек айну, құсу, диарея, іштің ауыруы, шөлдеу, жалпы әлсіздік, бас ауруы және бас айналу. Егер кенеттен саңырауқұлақтарды жегеннен кейін уланудың алғашқы белгілері пайда болса, мүмкіндігінше тезірек медициналық көмекке жүгіну қажет. Саңырауқұлақтардың немесе саңырауқұлақ тағамдарының қалдықтарын сақтау керек, өйткені олардың зертханалық зерттеуі уланудың себебін анықтауға және дұрыс емдеуді тағайындауға көмектеседі.
Саңырауқұлақтармен уланудың алдын алу:
- Өзіңіз жеуге жарамдылығына сенімді емес шикі және пісірілген саңырауқұлақтарды тағам ретінде тұтынбаңыз;
- Тек өзіңіз жақсы білетін саңырауқұлақтарды жинаңыз;
- Саңырауқұлақ жинауға барғанда, мүмкіндік болса, тәжірибелі саңырауқұлақ жинаушыны шақырыңыз;
- Саңырауқұлақтарды автомобиль, теміржол жолдарының, ірі өнеркәсіптік кәсіпорындардың, аэродромдардың, қоқыс полигондарының жанынан жинамаңыз;
- Саңырауқұлақтарды анықтау және олардың жеуге жарамдылығын анықтау кезінде суреттелген нұсқаулықтарға сенбеңіз;
- Саңырауқұлақтарды жәндіктер, ұлулар, құрттар және т. б. жесе, оларды жеуге болатындығы туралы кең таралған мифке сенбеңіз;
- Шикі саңырауқұлақтардың дәмін татпаңыз;
- Балаларды саңырауқұлақтармен тамақтандырмаңыз;
- Саңырауқұлақтарды кездейсоқ адамдардан сатып алмаңыз;
- Ас қорыту аурулары бар адамдарға саңырауқұлақтарды жеу ұсынылмайды.
Есіңізде болсын, шикі ғана емес, дұрыс тазаланбаған, толық піспеген, қуырылмаған, тұздалмаған саңырауқұлақтар улануға әкелуі мүмкін. Сондықтан саңырауқұлақ тағамдарын қолданғанда абай болу керек. Қалай болғанда да, егер сіз олардың жеуге жарамдылығына күмәндансаңыз, бейтаныс саңырауқұлақтарды тастаңыз.
Өз денсаулығыңызға және туыстарыңыз бен жақындарыңыздың денсаулығына қауіп төндірмеңіз!