Білім беру ұйымдарының 2026–2027 оқу жылына дайындығы талқыланды

2026 жылғы 20 тамызда Жетісу облысының санитариялық-эпидемиологиялық бақылау департаменті Жетісу облыстық мәслихатының 2026–2027 оқу жылына білім беру ұйымдарының дайындығы мәселесін қарау мақсатында, мәслихаттың денсаулық сақтау, білім, халықты әлеуметтік қорғау, мәдениет, ішкі саясат және спорт мәселелері жөніндегі тұрақты комиссиясының отырысына қатысты.

Сонымен қатар, отырыста Қазақстан Республикасының Бас мемлекеттік санитариялық дәрігерінің жалпы білім беретін мектептер мен мектеп-интернаттарға ерекше бақылау және қадағалау объектілеріне бару арқылы мониторинг жүргізу туралы №2 шешіміне сәйкес жүргізілген мониторинг нәтижелері талқыланды.

Отырыс барысында білім беру ұйымдарының жаңа оқу жылына санитариялық-эпидемиологиялық талаптарға сәйкестігіне назар аударылды.