Ерекше бақылау және қадағалау объектісіне бару арқылы жүргізілген мониторинг нәтижелері штаб отырысында қаралды

2026ж. 02.07. Жетісу облысы әкімінің орынбасары Көлбаев Марлен Қапашұлының төрағалығымен «Ерекше бақылау және қадағалау объектілеріне бару арқылы мониторинг нәтижелері» туралы өңірлік штаб отырысы өткізілді.

Штаб отырысына Жетісу облысының санитариялық-эпидемиологиялық бақылау департаменті, денсаулық сақтау басқармасының басшысы және аудандық, қалалық әкімдердің орынбасарлары, санитариялық-эпидемиологиялық бақылау басқармаларының басшылары мен медициналық ұйымдардың директорлары қатысты.

Штаб отырысында жүргізілген мониторингтің нәтижелері, балаларға профилактикалық егулерді ұйымдастыруға және жүргізуге, оның ішінде барлық деңгейде иммундық-биологиялық дәрілік препараттарды сақтау және тасымалдау кезінде салқын тізбекке қойылатын талаптарды сақтау, балалар арасында туберкулездің алдын алу жөніндегі профилактикалық және эпидемияға қарсы іс-шараларды ұйымдастыруға және жүргізуге қойылатын талаптарды сақтау мәселелері қаралды.

Облыс әкімінің орынбасары санитариялық-эпидемияға қарсы, санитариялық-профилактикалық іс-шаралар жүргізу, жоспарлы, толықтыра иммундауды уақытылы жүргізу, оңтайлы көрсеткішке қол жеткізу, туберкулез бойынша профилактикалық іс-шараларды ұйымдастыру туралы бірқатар тапсырма берді.