Карантиндік және аса қауіпті инфекциялар бойынша Панфилов ауданының медицина қызметкерлеріне семинар өткізілді

Жетісу облысы санитариялық-эпидемиологиялық бақылау департаментінің жылдық жоспарына сәйкес, санитариялық-эпидемиологиялық қызмет мамандары мен медициналық қызметкерлердің карантиндік инфекциялар тіркелген жағдайдағы дайындығын арттыру және атқарылатын іс-шараларды жетілдіру мақсатында, 2026 жылдың 23 сәуірінде ШЖҚ «Панфилов ауданаралық көпсалалы ауруханасы» КМК базасында «Карантиндік және аса қауіпті инфекциялардың әкелінуінің және таралуының алдын алу, санитариялық-эпидемияға қарсы іс-шараларды ұйымдастыру, өткізу»  тақырыбында семинар өткізілді.

Департаменттің аса қауіпті инфекцияларды және туберкулезді эпидемиологиялық бақылау бөлімінің мамандарымен баяндама  жасалып, Панфилов  обаға қарсы күрес бөлімшесінің дәрігерлерімен І-типтегі қорғаныш киімін киіп-шешу дағдылары, науқастан оба және тырысқаққа сынама алу ережелері көрсетілді.