Панфилов ауданының санитариялық-қорғаныш аймақтарының режимін сақтау мәселелері бойынша жұмыс кеңесі өтті

2026 жылғы 20 қаңтарда Жетісу облысының санитариялық- эпидемиологиялық бақылау департаментінің ұйымдастырумен Панфилов ауданында орналасқан «Жаркент крахмал-сірне зауыты» ЖШС және жобаланатын «Жаркент Құс» ЖШС құс фабрикасының басшыларымен Панфилов ауданының санитариялық-қорғаныш аймақтарының режимін сақтау мәселелері бойынша жұмыс кеңесі өтті.

Сондай-ақ, кеңеске Панфилов ауданының тұрғын үй-коммуналдық шаруашылық және жер қатынастары бөлімдерінің өкілдері қатысты.

Кеңес барысында санитариялық-қорғаныш аймақтарына қойылатын санитариялық-эпидемиологиялық талаптар түсіндірілді. Панфилов ауданы халқының санитариялық-эпидемиологиялық салауаттылығын қамтамасыз ету мақсатында проблемалық мәселелерді шешу жолдары талқыланды.