Медициналық қалдықтармен жұмыс істеу және медициналық бұйымдарды стерильдеу мәселелері бойынша мамандарға арналған семинар.

Департаменттың бұйрығына сәйкес, Астана қаласының Cанитариялық-эпидемиологиялық бақылау басқармаларының мамандарына арналған оқыту іс-шараларының циклі аясында келесі тақырыптар бойынша семинарлар өткізілді:

   «Денсаулық сақтау ұйымдарында медициналық қалдықтарды жинауға, залалсыздандыруға, уақытша сақтауға және олармен жұмыс істеуге қойылатын талаптар»;
    «Денсаулық сақтау ұйымдарындағы орталық стерилизациялық бөлімшенің (ОСБ) жұмысын ұйымдастыруға және медициналық мақсаттағы бұйымдарды стерилизациялауға қойылатын талаптар».

    Семинар барысында қолданыстағы санитариялық-эпидемиологиялық заңнама талаптарына сәйкес денсаулық сақтау ұйымдарында медициналық қалдықтармен жұмыс істеу жүйесін ұйымдастыру, оларды жинау, залалсыздандыру, уақытша сақтау және мамандандырылған ұйымдарға беру тәртібі жан-жақты қарастырылды.

     Сондай-ақ орталық стерилизациялық бөлімшенің қызметін ұйымдастыруға қойылатын талаптарға, медициналық мақсаттағы бұйымдарды стерилизациялау алдындағы тазалау кезеңдерінің сақталуына, оларды стерилизациялау тәртібіне, стерилизация сапасын бақылауға, сондай-ақ мемлекеттік санитариялық-эпидемиологиялық бақылау барысында жиі анықталатын бұзушылықтарға ерекше назар аударылды.