Ата-аналарға жазғы сауықтыру лагерін таңдау бойынша ұсынымдар

Жазғы сауықтыру ұйымдары санитариялық-эпидемиологиялық талаптарға сай болуы және балалардың денсаулығы үшін қауіпсіз болуы тиіс.
Ең алдымен, рұқсат беру құжатының — объектіге санитарлық-эпидемиологиялық қорытындының бар екеніне көз жеткізу қажет. Рұқсат алған балалар сауықтыру ұйымдарының тізбесі санитариялық-эпидемиологиялық бақылау комитетінің сайтында орналастырылады.
Сондай-ақ, балалар лагерін таңдау кезінде орналасқан жері, лагерь бағдарламасы, баланың бейімділігі, лагерь туралы пікірлер сияқты факторлар ескеріледі.

✅Балаларды сауықтыру лагеріне жіберген кезде:
* лагерьдің медицина қызметкеріне балада созылмалы аурудың немесе аллергияның болуы туралы, сондай-ақ белсенді демалысқа (спортпен шұғылдану, су рәсімдері және т. б.) қарсы көрсетілімдер туралы алдын ала ескерту;
* балаларға қауіпсіздік және жеке гигиена ережелерін түсіндіру;
* жолға құрғақ рационды және бөтелкедегі газдалмаған суды жинаңыз;
* балаларға тез бұзылатын өнімдерді (сүт, шұжық, балық, сүзбе, кондитерлік өнімдер, тәтті газдалған сусындар, үйде дайындалған тағамдар)әкелуге тыйым салынады;
* гипотермияны, күн соққысын және жарақаттануды болдырмау үшін жылы киімдер мен гигиеналық құралдарды қоса алғанда, маусымдық киім мен аяқ киімді сөмкеге салыңыз;
* балаларды қабылдау оқушыға медициналық анықтама болған жағдайда жүзеге асырылады;
* лагерьге барар алдында баланы аурулардың сыртқы көріністерінің (термометрия, терінің өзгеруі) жоқтығына тексеру.