Денсаулық сақтау министрлігі 9 айдың қорытындысын шығарып, 2029 жылға дейінгі саланы дамыту тұжырымдамасын талқылады

Бүгін Денсаулық сақтау министрі Ақмарал Әлназарованың төрағалығымен Денсаулық сақтау министрлігінің 2025 жылдың 9 айындағы қызметінің қорытындылары бойынша Алқа отырысы өтті. Алқа жұмысына Денсаулық сақтау министрлігінің басшылығы, ІІМ өкілдері, өңірлер әкімдерінің орынбасарлары, медициналық ұйымдардың, жоғары оқу орындарының және денсаулық сақтау басқармаларының басшылары қатысты.

Отырыс медицина қызметтік міндетін атқару барысында қаза тапқан елордалық Жедел жәрдем станциясының фельдшері Улдана Мырзуанды бір минут үнсіздікпен еске алудан басталды.

Алқа отырысы барысында медициналық қызметтердің қолжетімділігі мен сапасын жақсарту, өңірлердегі денсаулық сақтау саласының негізгі индикаторларының орындалуы, денсаулық сақтау мәселелерін шешудегі ведомствоаралық өзара іс-қимыл, медициналық қызметтерді қаржыландыру, медициналық кадрларды даярлау сапасы, салауатты өмір салтын насихаттау, халықтың медициналық қызметпен жаппай қамтылуын қамтамасыз ету мәселелері талқыланды. Сондай-ақ Қазақстан Республикасының 2029 жылға дейінгі денсаулық сақтауды дамыту тұжырымдамасы қаралды.